اي ولد يدخل الموضوع ضروري!

[نكره]

اول شي السلام عليكم .. انا مره حايسه بالمحاسبه 117 ابسألكم انتم الاولاد بحكم ان اسئلة الاختبارات من عندكم
الله يعافيكم ساعدوني كيف تذاكرونها والدكاتره عندكم ايش معطينكم تست بانك معين تذاكرون منه تكفون لا تطنشون)":

[نكره]

معقوله محد عنده رد!!! تكفون تراي ضايعه يا جماعه😢

[الهيملي]

وعليكم السلام ورحمة الله وبركاته

شوفي يا أختي المحاسبة ما في تست بانك المذاكرة من السلايدات , طبعا حتحتاجي الكتاب للتدريب حق المادة وحاولي تحضري لأنها بتدربك على حل الأسئلة , الأسئلة من بداية من الترم الماضي صارت خيارات واتسهلت المادة لأنها كانت فالسابق كتابة .
الحل مع المحاسبة هو محاولة الحل أكثر من مثال وتتسهل إن شاء الله وحاولي برضو تدوري على شروحات فالنت أوممكن تلاقي هنا فالموقع في قسم الملخصات .

بالتوفيق إن شاء الله

[Accounting2love]

نصيحتي لك كمتخرج محاسبه , المحاسبه عشان تحلي اي سؤال فيها يكون فاهمه الاساسيات مو حافظتها (جداً سهله)

ثم حل التمارين دون النظر للحلول والتعلم من الاخطاء .. بالتوفيق يارب

[Ayman Alhuzaifi]

السلام عليكم ورحمة الله وبركاته

يا أختي الكريمة .. الله يوفقك ويسهل لكِ

أولاً : بالمرفقات ( التست بانك + أسئلة اختبارات سابقة ) والسلايدات لحجمها الكبير تقدري تحمليها من موقع الدكتور ( الملفات ) : http://kbashnini.kau.edu.sa/Show_fil...0000828&Lng=AR

ثانياً : طبعاً لازم تذاكري السلايدات وتفهمي الأساسيات المحاسبية ولازم تتدربي على المسائل وبعد ذلك تذاكري من التست بانك

الآن بالنسبة لشطر الطلاب أصبح اختبار الدوري الاول والثاني والنهائي كله من التست بانك بس حتجي مسائل على شكل اختيارات ف ماراح تعرفي تختاري الاجابة الصحيحة اذا ماتعرفي طريقة الحل بمعنى أنه لازم تفهمي المسائل وتعرفي طريقة حلها وتتدربي عليها أول بأول (( والاختبارات تجي نصها مسائل ونصها نظري كله من التست بانك ))

وبالتوفيق ،،،

[انا جربتهم]

انا بانصحك ياقلبي تذاكري كل التمارين وتحاولي تحاوبيها اكثر من مره ولاتسيبي اي تمرين علشان تتوفقي

[tayzac]

بالتووووووووووووووفيق ان شاء الله