ممكن افادتي حول مادة ادارة عمليات الخدمه bus428

[اقتصادي غلبان]

الله لا يهينكم يا اخوان اللي يعرف اي شي عن هالماده (ادارة عمليات الخدمه bus428) يفيدنا لأن المفردات اللي عندي موجود فيها ان الكتاب المطلوب هو مقدمه في ادارة العمليات بقطاع الخدمه وانا دورت اي معلومات اضافيه في النت ولقيت بعض المواضيع اللي تقول ان الكتاب مختلف فما ادري ايها المطلوب وهل هو الكتاب اللي ذكرته قبل ام كتاب ثاني الظاهر اسمه ادارة الخدمه في وقت السياحه أو حاجه زي كذا
في انتظار الرد الشافي لهذا الموضوع شاكر لكم سلفاً حسن تعاونكم الغير مستغرب لأخوانكم

[اقتصادي غلبان]

للر فع
Up

[شعراوي]

" إدارة جودة الخدمة في الضيافة والسياحة ووقت الفراغ "
ترجمة : د. سرور علي سرور


والفصول المطلوبة هي :
الفصل الأول
الفصل الثالث
الفصل السادس
الفصل التاسع
الفصل الحادي عشر
الفصل الثاني عشر

وارجوا التاكد من الفصول المطلوبة والمحذوفة اما بالنسبة للكتاب فانا متاكد منه

والله الموفق

[اقتصادي غلبان]

الله يعطيك العافيه أخوي شعراوي ويجزاك الف خير لأني بصراحه بغيت اتوهق لأني من سكان الرياض وطلبت من احد المكتبات بجده ما ابغى اقول اسمها عشان مانقطع لو شوي من رزقهم توصيل متطلبات المواد اللي نازلتلي هالترم وأرسلوا لي كتاب للدكتور هاني العمري لهالماده وكلمتهم اعلمهم عن الخطأ ورد علي واحد سوداني وللأسف بيقنعني انهم الصح وكتابهم هو المطلوب ويالله بالقوه اقنعته << طولها وهي قصير :)
مره ثانيه جزاك الله خير اخوي وجعلها في موازين حسناتك واسأل الله لنا ولك ولجميع الاخوه في هذا المنتدى التوفيق

[هاذي حياتي]

اقتصادي غلبان

ذاكرت من ملخص ولا من كتاب

هل كنت تدرس مع الشعيبي..اذا فيه ملخص عند للشعيبي بالله ارسله لي

او اي شي عن هاذي الماده الحقنا فيه.. ومشكووووور مقدما

[اقتصادي غلبان]

هلا اخوي هذي حياتي
الماده على ايام ماكنت ادرسها كانت مع الدكتور ناصر كدسه
انا درستها من كتابها وجعلك ماتشوفه صفحه سليمه واللي بعدها مقلوبه يعني لازم تقلب الكتاب بعد قراءة كل صفحه وهذا مازاد معاناتي مع الماده رغم سهولتها
لكن فيه شي ودي اقوله لك انك تدرس هالماده وتحس الكلام اللي فيها سواليف وتقول شلون بتجي اسألتها لكن صدقني انها سهله يعني لا تشيل لها هم الا طبعاً اذا كان البروفيسور الشعيبي بيخترع فهذا شي ثاني
بالتوفيق حبيبي

[هاذي حياتي]

يعني علشان لااضيع وقت ....لانه مابينها وبين الاختبار اللي قبلها الا نص يوم



يعني اختصرها واذاكر من ملخص كدسه واتوكل على الله...وش رايك اخوي

اذا الكتاب مو مرتب ليش اضيع الوقت والجهد!!


كم صفحات الكتاب تقريبا يااقتصادي؟

اذا تتذكر كم فصل



مشكوووور ياغالي