ليش جامعتنا كده !!

[&كيمو&]

صرررررررررررراحة

انا ما سبق ومر علي موقف مثل هذا
بالعكس الدكاترة الي درسوني من أول ما خشيت الجامعة
إلى الحين طيبين مرة وحبووووبين

تحطهم على الجرح يبرى ايه والله


واعتقد ان هذي النوعية بنسبة قليلة
بس نتمنى تتعدل يارب

8 8


واتمنى لكم التوفيق


كل الود
&كيمو&

[loletaaaaa]

المشاركة الأصلية كتبت بواسطة عبود الفهلاوي ظاهرة العنف الأسري ... أمتدت الى العنف التعليمي .. القضية ليست في أسلوب الخطاب فقط ... ولكن هناك اشياء أخري يتقدها المدرس لممارسة دورة .. ولذالك أعتقد أنه زعلان ..؟ مع الزيادة وخلافة ...المفروض الامور أحسن... الغريبة أنة هناك نوعيات من ما أشرتي له وهناك على النقيض آخرين أكثر حرصا على الطالب.. موضوع أساسا التعامل الانساني أولا... عبود

صح كلامك ميه لميه والله انها صارت قضيه والمفروض تتناقش فعيشو معنا ولا فام بي سي اف ام ولا اي برنامج يشوفو المجتمع كتير

امكن يحسو انو الي بيساوو غلط ولازم يراجعو نفسهم

مافي انسان مابيتعرض لمشاكل او ظروف بس حمدلله عارفين نفصل حياتنا الشخصيه عن حياتنا العمليه والجامعه

واحيان الواحد مايقدر صح من كتر الضغط عليه ويخرج حرتو فالي قدامو بس مره مرتين تلاته بالكتيير
مو دايما التعامل ده الين مايتعود انو يطالع للناس النظره الدونيه دي

[loletaaaaa]

المشاركة الأصلية كتبت بواسطة دلوعة الجامعه ماهي جديده اهوه انا مترمطة في بحث تخرجي وياليت في مساعده او اخطه تمشين عليها كل شوي تغيري لين يعجبها طيب لازم تكون هنالك مسؤله لطالبات البحث لكن للاسف اقعدي بالكلية من 9 لين 2 لين ياحمار تطلع لك قرنين

وطبعا هيا تغير وتطلب اشياء جديده وانتي تكون اسبوع حايسه وتعبانه في وهيا بكل برود تقولك غيري

غير انو عندك مواد تانيه امكن البحس ده ياسر عليها

يالله الله يكون في عون الجميع ومايضيعلك تعب ياااااارب

[loletaaaaa]

المشاركة الأصلية كتبت بواسطة سما ليل طيب انا الاسبوع الماضي سلمت بحث للاستاذه قامت تطالع في شكلي بدل ما تطالع في البحث وحطت لي 7 من 10 هي كذا بكيفها يعني حسبي الله ونعم الوكيل اني يوم القيامة ما راح يمروا من ايدي على طول

هوا ده الي مصبرنا ياسما انو في يوم قيامه وفي حساب ومحد ينظلم وقتها احيان الواحد يقول يلا يسيب شي لبعدين بلاشي ياخد كل شي دحين فالدنيا

وعلى حكايه الشكل والله كانت في استازه زي كده تدرسني لمن تشوف البنت ماركات ومدلعه وغنج تديها امتياز
والبنت الي عايدي ماتديها وعلى لسان قريبتها قالتلي ومنجد لاحظت ده الشي

وفي ناس على شكل البنت زي ماانتي قلتي
الله يعين بس

[loletaaaaa]

المشاركة الأصلية كتبت بواسطة علي العسيري والله على كلامكم هذا ماتستاهل تكون دكتوره ,, الشغاله الي عندنا البيت تعاملها مع الناس ارقى وافضل من هذه الصوره ,, سبحان الله , لله في خلقه شؤن ,,

ومع الاسف ده مثال واحد قلنا ولو قعدنا نكتب مواقفنا فالجامعه دي حتستصيبو:s

[loletaaaaa]

المشاركة الأصلية كتبت بواسطة noran.o.k الحمد لله اني ما مريت بموقف زي دا لأني ممكن ألوشها باللي فيدي عشن انا ما بشحت منها انا جايبة مجهودي وتعبي بس ما حزيد شي عن اللي قلتوه حسبي الله ونعم الوكيل

ويارب ماتتعرضي لي ابدا لانو منجد مو حلو الواحد يكون ضعيف وانهزامي
انا مره ماكنت كده زمان وحتى برا الجامعه احب اخد حقي بيدي

بس فالجامعه لو اتكلمت كلمه احتمال اشوف f
وكتير سارلهم كده فتضطري تسكتي وتقولي حسبي الله ونعم الوكيل وتحرقي جواتك

[loletaaaaa]

المشاركة الأصلية كتبت بواسطة m!ss lala الله يسامحك يا لوليتا ساعه وانا اقرأ في السطرين الاولى ولما خلصت الموضوع طلعت عيني من فك المصطلحات وترجمتها ايش هذا يا بنت المره الجايه اكتبي لغة عربيه اصرف من العامية عشان ما تتعبيني وبالنسبه للدكتورات امشي على مبدئي في الحياة اختاري الاستاذه قبل المادة لان في ناس ما يستاهلوا المناصب اللي هم فيها ولا يستاهلوا الاحترام اساساً ولا تقهري نفسك ولا شي في من هالاشكال كثير :)

هههه ولا يهمك عربي فصحى كمان ;)
بس الموضوع كان في بالي طول الطريق فما صدقت دخلت البيت وكتبتو :s

وصحيح كلامك الاستاذه اولا بس احيان تسير انك تكوني مختاره الاستاذه والشعبه ومرتبه مواد كتير بس عشان دي الماده مهمه
وفالاخير فجاه يغيرو لك الاستازه والحدف والاضافه قبل واصلا فنفس قائمه الشعب ماغيرو الاسم:s

حصلت معايا كم مره

واحيان برضو تكون استازه طيبه وفجاه تقلب يعني ترم تكون مره كووووووويسه والناس يمدحوها وتسجلي معاها الماده وتلاقي اسلوبها اتغير وطبعا في العكس الي يكونو مو قدي كده وربنا يهديهم ويتحسنو

الله يهدي الجميع :)

[loletaaaaa]

المشاركة الأصلية كتبت بواسطة المستبدة بالنسبة للاختلاف بين دكاترتنا واستاذاتنا مقارنة بالكليات التانية دا كلام سليييييييييييييم ميه بالميه انا كنت في العلوم شتان بين التعامل والاسلوب جدا جدا جدا اللي في الكلية دحين مو بس شايفين نفسهم كمان مايتلاقوا في مكاتبهم تقعدي طول الوقت تستني وكمان احسهم فاااااايهين

الحمدلله حتى العلوم كمان طلعو كويسين
انا ماقلت الا عالاقتصادالمنزلي لاني سمعت
وعالاداب لاني اتعاملت معاهم والان اتضح انو رابع كليه برضو تعاملهم راقي

الا كليتنا

وطبعا في من رحم ربي الكويسين مافي شك

[loletaaaaa]

المشاركة الأصلية كتبت بواسطة يوسف الزويلعي صــراحه نص كلامك مفهوم والنص الثاني حاااس اني محتاج لفك شفره خخخخخ لكن اللي فهمته ان في دكتوره عندكم يبغالها برمجه صراحه المفروض احنى نتعـود ،، المسـأله صارت ايـزي الدكاتره مثل شركة الاتصالات ، الواحد بس يقوول الله لايضيع لنـا تعب

مو دكتوره وحده عد واغلط بس دي مسال وحاله من الحالات

والمشكله الواحد دايما يقول فنفسو خلاص نتعود ومانحرق دمنا وفالاخير اول مايجيلو موقف يعصب :s

امين يارب
الله لايضيعلنا تعب
كلو باجرو

[loletaaaaa]

المشاركة الأصلية كتبت بواسطة &كيمو& صرررررررررررراحة انا ما سبق ومر علي موقف مثل هذا بالعكس الدكاترة الي درسوني من أول ما خشيت الجامعة إلى الحين طيبين مرة وحبووووبين تحطهم على الجرح يبرى ايه والله واعتقد ان هذي النوعية بنسبة قليلة بس نتمنى تتعدل يارب 8 8 واتمنى لكم التوفيق كل الود &كيمو&

الحمدلله انو مر عليك
بس والله مو فئه قليله بالعكس في كتير كده مره

وفي الكويسين اكيد