ليش جامعتنا كده !!

[Just 4 U]

فعلا كلامك صحيح وانا شفت كثييير منهم واخذت f اكثر من 4 مرات بسبب مزاجية الدكتور

ما نقول الا حسبنا الله ونعم الوكيل

والله يصبرنا على هالجامعة

ما بنتخرج الا واحنا معقدين ميه ميه

والله يوفق الجميع

[غدا نلتقي]

يمكن أطول عليكم بس خلونا ننظر للموضوع من جهة أخرى ..
أولاً:لايخلو الأمر أن يكون هناك الطيب والرديء بين الطلاب والدكاترةوالأستاذات وهذه سنة كونية.
ثانياً: الدكتور/ة أو الأستاذ/ةقبل ذلك هم بشر وعليهم ضغوط من كل النواحي فمثل ما نحن نعاني من ضغوط الدراسة هم يعانون من ضغوط العمل والالتزامات الأخرى..
ثالثاً: سأحكي لكم تجربتي مع البحث والتدريب باختصار..
من وقت مانزلت الشعبة ذهبت للدكتورة وكانت قمة في التعامل والذووق والأخلاق ، و وجهتني للخطوات المطلوبة وأعطتني أوراق وطلبت مني المتابعة ، أختكم قالت متابعة!!وعليها درجات!!!توكلت على الله وقلت أين نحن من العلماء؟؟
المهم طبعاً قرأت الأوراق وشعرت اني في بحر عميق ولن يخرجني منه سوى الله ,,ولاأعرف من أين أبدأ؟؟
ذهبت للدكتورة مرة أخرى وجدت طالبة من بنات الانتظام تنتظر، ومن خلال الحديث قالت لي ولاتتعبي نفسك حأعطيك رقم واحد يسوي البحث وهي كلها400ريال،انتهى الحديث وللأسف الدكتورة ماجات واعتذرت اليوم اللي بعده واللي بعده كمان وأنا كل يوم أروح الين مكتبها وأحط أوراق من تحت الباب..
طبعاً تضايقت جداً وقلت وين الإحساس بالطالب والمسئوولية اش هذا هم يحسبوا عشان احنا انتساب يعني احنا فاضيين؟؟
جلست مع نفسي وقرأت الأوراق مرة واثنين وثلاثة وبحثت في الانترنت وفي المنتدى كيف أعمل البحث وطبعت جميع المقالات واخترت موضوعين وحاولت أجمع المراجع والمقالات للموضوعين عشان لمن أقابلها يكون عندي شي أقوله والوقت قاعد يمر...
حاولت اتصل على مكتبها ، أرسل ايميل مافي رد..
شهر مر وأنا أواصل البحث ..أخيرا وضعت فاكسها وقالت ارسلوا عليه..ارسلت وانتظرت الرد،،ولامجيب..
وجدتها أيام دورة الجامعة قالت أنا ظروفي صعبة ارسلي فاكس.
لم أيأس وأرسلت فاكس وتركت جميع طرق الاتصال بي،

وأخيرا جاءالرد
قالت تعالي لي في الساعات المكتبية ظروفي تحسنت..
طبعا وقتها جريت ورحت ،استقبلتني أحسن استقبال وحكت لي ظروفها ففي آخر يوم قابلتها فيه جاءها اتصال وهي في الجامعة فقد سقط زوجها مريضا فجأة واحتاج لعملية قلب عاجلة بعد 4ساعات من وقت الاتصال،،وليس لديها أحد بعد الله يساعدها في محنتها فأولادها خارج المملكة،،طبعا كانت الصدمة قوية عليها وانشغلت تلك الفترة التي تغيبت فيها بالعناية بزوجها..
حقيقة قلت في نفسي يجب على الانسان أن لايحكم على الآخرين حتى يسمع منهم وقد علمنا الرسول "التمس لأخيك سبعين عذراً" أو بمامعناه..واصلت بحثي معها خطوة بخطوة وكنت أذهب لها كل أسبوع ثلاث مرات حسب ما اتفقت معها أو مرتين إلى أن سلمت بحثي ومناقشتي يوم الثلاثاء القادم..
بدأت رحلتي من 18/3/1430هـ
وسلمت بحثي 6/6/1430هـ
طبعا الدكتورة الوحيدة على ما أعتقد اللي أخرت موعد التسليم هي..
تخيلوا بكل بساطة و أنا أسلم مسودة البحث يوم8/6 أن هناك بنات انتظام/وانتساب أول مرة يدخلوا على الدكتورة يسألوها ايش المطلووب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولأول مرة أرى الدكتورة منفعلة تقولهم الآن صاحيين؟؟؟
لا وأزيدكم من الشعر بيت العدد عندها كبير ومايبغوا ينتظروا عند الباب وشايفين ان الدكتورة كلامها كثير ومضيعة وقتهم!!!!
وحدة تقول للدكتورة إذا 5دقايق انتظر لأن أبغى أروح!!(الأخت مشغوولة لكن لو قعدة فيها وناسة تقعد لين الصبح)
بالله عليكم تتوقعوا الدكتورة لمن يجي وقت مناقشة هؤلاء الطالبات كيف تكون نفسيتها؟؟؟
أليست بشر؟؟

على فكرة كلمت الرجل اللي قالت لي عليه البنت يبغى800ريال وكمان انسان ماهو فاهم بس عنده ثقة من كثر زبائنه ،،
ولمن قابلت البنت وقت التسليم قالت لي إن الدكتورة ماعجبها ولمن شفته قلت لها عندها حق ماتتخيلوا ركاكة الأسلوب والمواضيع اللي شرق غرب بس هو حاط في باله ان الطلاب مايدروا عن شي..!!!
قالت لي البنت انتم فاضيين ياانتساب قلت لها وانتم ايش تعملوا كل يوم في الجامعة ..على فكرة أن أعمل دوامين ولي مسئوليات أسرية كثيرة وأول شيء تأثر خلال هذه الفترة صحتي،لكن يقيني أن الله لن يضيع عمل عامل..

أعتـــــــــــــــــــــــــــــــــــــــــــــــ ــذر جدا على الإطالة ولكن أحببت أن أنقل لكم صورة حقيقية حتى لاتحكموا على الأمور من مجرد النظر أوم من كلام طرف واحد وهو الطالب..

[m!ss lala]

88

كلامك صحيح وانا دائماً أضع عذر للدكتور

بحكم كثرة انشغالاته

لكن تجي دكتورة أو استاذه وتقلل من احترامي انا ما اتحمل

شوفي الدكتورات اللي عندنا في الجامعه على مستوى عالي من الأخلاق طبعاً مو كلهم بس غالبيتهم

وانا أشهد بهالشي بصراحة محد غلط علي ابداً لاني من النوع اللي احترم الشخص اللي قدامي

واحب الناس تعاملني مثل ما اعاملهم

بس الاستاذات هم اللي ما خذين اكبر من حجمهم وشايفين انفسهم ولسان طويل وقلة أدب

والله العظيم في استاذتين في الجامعه دخلت عندهم المكتب ابغى استفسار ما القى إلا انها تطردني من المكتب

وانا اناظر وراي وتقول يلي ايه انتي ما احد وراك اطلعي

وش قلة الأدب هذي

أي عذر التمس لها

نفسيتها تعبانه ؟؟؟ !! على نفسها مو علي انا

احترميني على الأقل

احترمي كلمة استاذه اذا سمحتي اللي قلتها لك !!

مو تطردني من المكتب

من جد ماهم عارفين انهم وضعوا على هذي المكاتب لخدمتنا حنا كطالبات



<< هذي استاهده منرفزتني طول الترم هذا ما عندها غير التهزيء والتريقه وعدم الاحترام >>

الله يعدي هالترم على خير وتوبه ما عاد ماخذه عندها ولا ماده بعد كذا :)

من جد ترى تعامل الرجال اصرف من تعامل النساء


وانا افضل آخذ الماده مع دكتور ولا اخذها مع استاذه

لان الرجال يقدروا ويحترموا

وسوري ع الاطاله

[الـ_ٍـوسـ_ٍـامـ]

حسبي الله ونعم الوكيل
كله كووووووووووووم وجامعتنا هذه كوم ثاني
ايش يبغوا محد عارف

[alsayed]

اولا شي عادي وطبيعي من دكتورة او دكتور سعودي في جامعة سعودية
بس لو ان هذا الدكتور او الدكتور رجعو وراء قبل كم سنه بالاصح قبل لايطلع خارج المملكه ماتلاقية يتعامل بهذه الاسلوب
على بالو طلع خارج المملكه انو صار عالم ماشاء الله ويصيبه غروراناشخصيا صارت معاي قبل كده
طبعاانامنتسب رحت لدكتورفي القبول والتسجيل طبعاكان عندي انذار اخير لظروف معينة المهم طبعاابغي محاوله على شان ارفع المعدل معدلي كان اقل من 2 بشي بسيط يعني محاولة اخيرة واعدي المهم بعدمحاولات حصلت على الموافقة طبعابحكم عملي دخلت على عميدالجامعة وانهاء موضوعي من عنده المهم لمن رحت للدكتور تخيل الدكتور الاكاديمي كيف كان تعامله معايا طبعا جالس على كرسي ومعطيني ظهره دخلت قلتلوه السلام طبعاردالجداربداله قلي ايش عندك قلتلوه ابغي اسوى اعادة محاوله طبعامامديده حطيت الورقة على المكتب حسسني ان فيني جرب قلي لاتعب نفسك قلتلوه ليش قلي ماراح ترفع المعدل رديت علية قلتلوه بمجهودي ارفع معدلي وشوف المواداللي راح انزلها كلها جيدةطبعازلني على شان يسويلي الاعادة ليش هذا الكلام اللي ماله داعي المفروض انك تقدر الطالب وتتعامل معاه بكل احترام وتقوله شدحيلك والله يوفقك الشاهدفي كلامي احناكطلاب انتساب طبعا الاغلبية موظفيين سواء في القطاع الخاص اوالعام فالمفروض ان اي دكتور يراعي التعامل مع طلاب الانتساب لان حيجي يوم يكون في حاجتي الدنيا دوارة وصغيرة يجيني لحدمكان عملي هذيك الساعة اذا كان دكتور جيدحاخدمه واذا كان سيئ طبعا حاشوف شغلي معاه وماتمنى ماتعامل معاه بهذاالاسلوب بس هو حط نفسة في هذه المكانه جاني لحد عندي ولازم ارد الطريقة اللي عاملني فيهاعلى شان يحس وينشال منه الغرور
اتمنى من اي انسان او انسانه ان يتحلى بالاخلاق وهذه صفة من صفات الرسول علية الصلاة والسلام.
ايش الواحديبغي من هذه الدنيا الا الستروالعافية والدعاء وذكراخاك بالشي الحسن يعني سواء من دكتور اودكتورة المفروض يحطون في بالهم ان في ناس من خارج جده يعني لوسوى معاي اومع غيري اي موقف او صعب الاسئله ماراح
يلاقي الاطبعاتمتير طول الخط ادعي عليه ودعوت المسافرمستجابةايش حصل حصل خيرولاشي غيرانه ضرنفسه نسال من الله عزوجل الهدايه لهم وبعدهذه الظاهرة عنهم الغرور اسف اطلت عليكم
ولكم تحياتي

[Big Mido]

مهما كان اسلوب الطالبه زي ما قالت الاخت غدا نلتقي الدكتوره يحق لها تصرخ للبنات
لأنها تبي مصلحتهم و لأنهم تأخروا ....... الخ و يحق لها تقول لهم انتظروا اكثر من
5 دقايق ( وهم اصلا انتظروا التيرم كلو جات عالـ 5 دقايق ؟؟ ) يحق لها أن تفعل كل
ماهو مسموح لها و بحدود سلطتها اما قلة الاحترام هذه اللي مو مسموحه ابدا ...
في نقطة الاحترام انسى المسميات و الالقاب انا هنا اقول انسان يعامل انسان ..!!!
مو دكتورة تعامل طالبه أو دكتور يعامل طالب ولكن في هذه الحالات اللي عايشينها
الطالب و الطالبه مضطرين ان نقول كلمة يا سيدي و في آخر التيرم ننجح

[loletaaaaa]

لا محد يحقلو يتكلم ولايرفع صوتو على احد احنا فجامعه والمفروض نكون ارقا من كده