الاستمرار في اختبارات المناطق

[..الدعجاني..]

الله يسمــــــــــــــــع منــك ياشيــــــــــــــــــــــــــــــــــــــــــخ

[RAUL 7]

اقول الله يسمع منك يارب انك تخليها كذا


من جد محنا فاضين هجولة جدة وطيران وحجوزات وزحمه الا حلال فيهم 1000 ريال وتختبر عند اهلك .....

[G.i]

ههههههههههههههههه ياليت

[الجامعي الذكي]

انا اتمنى انه يحطون اختبار للمناطق وخاصة للطلالبات الكثير منهم ما يقدر يروح لجده ومافيه احسن من الواحد يذاكر في بيته وبين اهله الصـراحة .

[PinkDream]

أن شاء الله يصير ..

اللي مايبي يروح جده واللي يبي يختبر عند أهله المفروض ماحد يعترض لان مابيتضرر اللي يبيه بسويه مافيه أيت مشاكل تبي بجده روحي بجده تبي بمنطقتك اجلسي فيها ..

ان شاء الله يكون صحيح لان بجد مكلف لما نروح .. غير كذا الراحه النفسيه واحنا جنب اهالينا .. والدمام ماعليهم كلام حلو النظام والترتيب وكل شي يعني مافي حر ولا برد ولا ولا المكان رايق ومراقبات مايحسسوك بهم الاختبارات .. ما اعرف عن الطلاب بس الطالبات اتكلم انا ..

لكذا المفروض مافي معترضين الكل معنا لان في ناس عندها ظروف ماتقدر تروح .. واذا الجامعه بإمكانها توفر لنا بمناطقنا شي حلو منهم ..

بالتوفيق للكل .. ^^

[ألف باء تاء]

إن شاء الله.. الله يسمع منك..

من جد روحتنا لجده خساير طيران وسكن وأكل وتضييع وقت..

هنا في بيتي وأكلي جاهز وبين أحبابي وناسي..


أحسن لي بكثير من روحتي لجده..


وإللي يبغى يروح جده بيكون حر وقتها وله الخيار..

:)

[MYS24U]

يعطيك العافيه أخوي على طرح الموضوع
الصراحه من زمااااااان وأنا افكر فيه واستغليت فرصة وجود نائب مدير عمادة القبول والمشرف على السنه التحضيريه..ودار بيننا هذا النقاش:
أنا : السلام عليكم
هو : وعليكم السلام .. تفضل!!
أنا : أستاذي الفاضل عندي استفسار بخصوص السنوات القادمه وبعد التخصص هل بالأمكان اتباع نفس منهج اختبار المناطق كما هو متبع في السنه التحضيريه...مع العلم ان هذا الشي سوف يساعدنا كثيراً خاصةً نحن أهل المنطقه الشرقيه؟؟
هو :الموضوع هذا حاولنا دراسته اكثر من مره ولكن زي ماتعرف في التخصص تختلف المواد من طالب الى أخر حتى لو كانوا في نفس التخصص..مما قد يتسبب في اشكاليات كثيره !! ووجد انه من الأفضل ان تكون الأختبارات في مقر الجامعه بجده.

وبعد هذا النقاش البسيط انتهت عندي كل أحلام الأختبار مجدداً بالدمام
ولكن بعد ما قريت موضوعك نقول إن شاء الله فيه تطورات

والله يكتب اللي فيه الخير للجميع

[بكالوريوس]

انا اقول ياشباب انا اختبار المناطق افضل بكثير من الإختبار في جده بحيث اني ادفع 1000ريال واريح البال، اما لو تكون في جده فكروا في السكن كم راح يأخذ والاكل والشرب والاوقات اللي راح تمر بطيئة خاصة إذا كان اختبار ثم يومين راحه ثم اختبار عن جد راح يكون ملل ، مافيه احلى ان تكون عند اهلك ، وعناء السفر ومتى راح تلاقي سكن مع زحمة الإنتساب و...........و........... إلخ ، طبعاً كلامي على اللي يجي بالسياره ، اما بالطياره هههههههه ياهي مصاريف التذاكر لحالها اكثر من 1000ريال (يازينك يالعالمية) والسكن وآجار سيارة ولاتكاسي حراميه يعني راح تتخطى حاجز 3000ريال بالراحة، إن شاء الله يكون كلامك صح ونرتاح لانه إذا صار خطأ راح ندفع 6000ريال للمستوى الواحد 3000ريال رسوم جامعه و3000ريال سكن للإختبارات يصير المجموع 12000ريال كل سنه (*_*) ارجع واقول (يازينك يالعالمية) .

[البدر_15]

الله يسمع منك ..