ابي ارفع المعدل ياشباب

[al_r7aal]

السلام عليكم
كيفكم يا شباب تمام ان شاء الله
انا متخصص حراريه وان شاء الله نهاية الترم انتاج >>> ماظنتي
المهم اب انزل 7 ساعات في الصيف وابيها ترفع المعدل
فياليت اقتراحاتكم
(فيزياء2 +نيوميركل) تنفع صيفي او لا واذا ما تنفع ياليت تقولولي ماده ثانيه مع الفيزياء 2

وشكرا مقدما
:)

[صقرر]

تنفع المادتين صيفي


بس لو شديت حيلك تجيب معدل لكن لوتساهلت فيهم راح ينزل المعدل لأنه الفيزياء 4 ساعات والمعمل دبل

والنيومركال مع الفهيد كان زمان يزود الطلاب وكلهم ياخذوا c+ تقريبا

الان الوضع مختلف بعد زيارة الابيت صار الفهيد مشدد

فحاول تذاكر المادة ولا تعتمد ع ادكتور في الدرجات

بالتوفيق

[خافي الأحزان]

والله معمل الفيزياء يخوف

لو انت تمام في الكهرباء راح تمشي

أنا أضفت المادة الترم الفات وبعد ما حضرت أول معمل حذفت المادة على طول

[فهد القرني]

الفيــــــزياء 202 يبغالها شدة حيـــــــل ..
ياكود تفهمها في الترم العادي
لكــــن اذا بتجتهد (( لكل مجتهد نصيب ))
انا ما اقول لك انها صعبببه ... لكن المنهج طويل شوي
حاول تشد حيـــــــلك فيه والله يوفقك وييسر امرك (:

[AhmadASG]

اذا تبي نصيحة واحد مجرب لا تحاول تضغط نفسك وتنزل ساعات كثير عشان ترفع المعدل ... كذا بتطقش وبتضيع وممكن لا سمح الله تاكل اف وينزل المعدل ... فانت هدي الوضع ولا تستعجل حتى لو كل ترم تنزل بس 13 راح تقدر ترفعه

والشباب ماقصرو معاك موضوع الفيزياء ماينفع صيفي ابدا شوف لك مواد ثانيه او ريح مو شرط تاخذ ترم :d

[ابداع]

والله بالعكس اعرف اثنين من الشباب في نفس مستواي نزلوا الماده (فيزياء 202 ) صيفي واخذوا a و b+


وانا نزلتها في ترم عادي واخذت c وبالقوة بعد

[al_r7aal]

طيب يا شباب ايش تنصحوا انزل ماده ثانيه بدال النيوميركل

وشكرا لكل من رد وللي برد علي
:))

[خافي الأحزان]

أخوي تبغى نصيحتي

لو بترفع معدلك خذ ساعات قليلة

أنا لي 3 أترام (من غير الصيفي) أخذت فيها 8 ساعات فقط

رفعت معدلي رفعة حلوة (ماشاءالله)

أغلب الشباب مستغربين مني بس الحمدلله أهم شيء رفعت المعدل

وانت حر

[al_r7aal]

مشكورين يا شباب
بس ياخافي ترى مرة صعبه 8 ساعات متى بخلص 8 سنين ؟؟؟؟
:)

[خافي الأحزان]

^^^^^^^^^^^^^^
أبشرك سويت خطة على أساس إني أخلص في 5 سنين بس أنا بمطها شوي أخليها 5 سنين ونص

وخطة مريحة مو مضغوطة ولا شيء

على العموم الواحد ايش وراها

أخلص في 5سنين ونص أو 6 سنين بمعدل محترم وأكون مرتاح أفضل بكثير من إني أخلص بـ5سنين بمعدل طايح وأكون مكروف