لغير المقبولين جاري البحث

[caramella]

بسم الله الرحمن الرحيم
ماجستير مانقبلنا مع انو كان حلمي بس ربنا مو كاتب وان شاء الله اقدم الترم التاني بس مااعرف في تقديم الترم التاني على نفس تخصصي ولا لا

طيب اللي مانقبلت ولا بتشتغل تعالو قولولي كيف قعدة البييييت


انا مررة طفشت من قعدة البيييت وسرت احس نفسي اختلق مشاكل من لا شي يمكن من الضيقة مادري بس مررة طفشت سنة وانا قاعدة في البيت مافي وظيفة ماقدمت فيها ولا حياة لمن تنادي
حتى تدرييييب اكتفو بالعدد << رضينا بالهم والهم مارضي فينا

ابغا اشغل نفسي في اي شي وظيفة اي حاجة المهم اعمل شي في حياااتي

خلونا نساعد بعض ونشوف الصيف كيف حيعدي في ينزلو وظايف في الصيف اللي عندها شي تقولو
نفيد ونستفيد

8
8
8
سامحوني عشان الكلام بالعامي مالي في المنتديات كتير
جلسة البيت تخلي الواحد يسوي اي شي <<< حتى بكا سرت ابكي بدون سبب

[lotysweet]

الله يعينك اختي
والله جربت الي تحسين فيها لمدة سنة ونص وكنت رح اتجنن لين الله فرجها علي
والله كنت اخلق مشاكل مع الحولي عشان اشغل نفسي في اي شئ واحيانا ابكي لوحدي بدون سبب واحلام يقظة وبلاوي
الله يفك همك ويفرجها عليك يارب

[caramella]

يارب ويفرج هم المسلمييين

[نجاة الفرسي]

كرميلاااااااااااااا

عني اناا دي ثالث سنه لي متخرجه
بقولك ايش عملت
اول شي اخدت دبلوم مدته سنه حاسب آلي خلصت منو اخدت دورة انجلش
هذا غير الدورات والمحاضرات اللي بنط فيهاااا كل مرة
اشتغلت مدرسة رياض اطفال انجليزي كله عشان ماااا اقعد بالبيت
المهم
وحاليا بدرس كورسات انجليزي ورى بعض لانو شغل المقطع ماا يأكل عيش ولا تحسي انك عملتي حاجه ولا استفتدي من الدورة

انضمي لمجموعات تطوعيه اجتماعيه
صدقيني تشغلي وقتك بشي مرررررررررررة مفيد
عن تجربه اقولهاا لكي
لو بدك ارسل لك اسم القروب تبعناااا ع الخاص
والله يوفقك يارب

[caramella]

ارسليلي ربي يسعدك طفشت من الجلسة

[نسمة امل]

انضمي لمجموعات تطوعيه اجتماعيه
صدقيني تشغلي وقتك بشي مرررررررررررة مفيد
عن تجربه اقولهاا لكي
لو بدك ارسل لك اسم القروب تبعناااا ع الخاص
والله يوفقك يارب[/quote]


كيفك ياعسل حابه استفسرومعليش ممكن يكون السؤال غبي , ايش قصدك بمجموعة تطوعية اجتماعية ايش مهامها ...........اتمنى التوضيح

وايش هي المعاهد اللي بتأخذي فيها كورسات انجليش.........
وبالتوفيق

[نجاة الفرسي]

مراااااااااااااااحب

اول حاجه انتوا من جده؟؟

انا بمركز الثقافي السعودي اللي جنب الصيرفي ميقا مول بالتحديد خلفه

بالنسبه للمجموعات التطوعية كتيرة

انا بعالم التطوع العربي منسقة عامه لنادي جده التطوعي اكتبي بقوقل عالم التطوع العربي راح تلقيه هو منتدى تسجلي فيه وتعبي ابلكيشن وتنضمي للنادي اللي انتي تبعه يعني تبع نادي الرياض او مكه او المدينه او جده

بالنسبه للسؤال شو يعني التطوع..
لما تدخلي الموقع وتشوفي مشاريع اللي قمنا بيهاا راح تعرفي
وكلمة تطوعية اجتماعيه لانها بتهتم بالمجتمع عامه بكل فئاته
مرضى مسنين فقراء ايتام معاقين لنرسم البسمه على شفاههم

حياكم انتظركم عاد علموني اذا سجلتوا

[movpc]

الدمية الفاتنة,,,,,,

بارك الله فيك وكثر من أمثالك
والجانب التطوعي نفتقدة في مجتمعاتنا وموضوعك هذا في هذا المكان اتمني له التوفيق ووفتي في طرحة
نفخر بأمثالك ووفقك الله في كل خير ,,,

[نجاة الفرسي]

,وإيــاك عزيزتي
صدقيني التطوع انتشر بصورة جدا مفرحه
والجروبات انتشرت ومنها الرسمي ومنها الغير رسمي
الخير فينا ومنا

يسعدك ربي

[نوره علي]

جدا راائع عزيزاتي

كنت داخله و بقترح عليكم فعلا العمل التطوعي الاجتماعي و لقيته موجود

منها قضاء وقت الفراغ في شيء مفيد و اكتساب خبرة اجتماعية و رضا من رب العالمين


يعطيكم العافية