تحويل من امريكا

[SAL506]

السلام عليكم و رحمة الله و بركاته

يا شباب انا عندي استفسار بسيط
انا طالب هندسة صناعية من امريكا و افكر احول على جامعتكم لظروف شخصية
انا خلصت 3 سنوات في امريكا و باقيلي تقريبا 40 ساعة
ما ادري كيف طريقة المعادلة ؟
و كيف مستوى القسم و الدكاترة .... يعني ياريت شرح وافي


شكرا جزيلا

[خافي الأحزان]

حرام عليك والله مهما كانت الظروف أنصحك تكمل ما بقي شيء

والله ترجع بشهادة فوق ومحد قدك

ترى لو كملت عندنا بتصير خريج جامعة الملك عبد العزيز وما فيه اي اعتبار لدراستك في أمريكا

على العموم إذا مصمم ترى ما راح يفيدك إلا المختصين في الجامعة لأن كل جامعة لها نظام خاص

[heso]

كمل 40 ساعة برا كلها ترمين ...

[الخيال@]

حاول حاول بقي القليل
شهادتك تكون من امريكا والله وتكون لها اعتبار عندنا :)
ويارب تعدي ظروفك على خير

[SAL506]

يا شباب عشان اوضحلكم زيادة انا الوالد يحتاجني جنبه و لي سنتين ما رجعت السعودية و لازم ارجع اريح الوالد شوية و نشوف حلول لبعض الامور... و بالنسبة للـ 40 ساعة راح اخدها على 4 اترام بسبب نظام الجامعة الغبي في تنزيل المواد كل سنة مرة واحدة ... انا مفروض اخلص في 3 اترام ... و في نفس الوقت صعبة اقعد هنا لإن النفسية انعدمت جداً في خلال السنتين الاخيرة ... و مشكلتي مع الفيزا الامريكية هذي قصة ثانية .... انا برضو فكرت اني اخدت ترم عندكم للمواد العامة الي باقيتلي زي الكيمياء و الستاتيك .. لكن ما ادري متى تاريخ بداية و نهاية الترم الاول في السنة الجاية.. أهم شي راحة الوالد و الله

[funman]

المواد نفسها
انا صاحبي عكسك راح امريكا بعد ما خلص سنة هنا وعادلوا المواد كلها

[SAL506]

الله يعين و يكتب الي فيه الخير
راح اقدم على فيزا ان شاء الله لمن ارجع .. طلعتلي الحمدلله ... ما طلعتلي براحتهم لكن جلسة هنا من دون اطمئنان عالاهل من فترة لفترة و الله ما تسوى .. اهم شي الاهل

[صقرر]

اظن يعادلون لك المواد في عمادة القبول والتسجيل

على انك راح تسجل من جديد في النظام وتاخذ اوراقك وتطلع الدور الثالث في العمادة وقسم طلب المعادلات

بالنسبة للدكاترة بصراحة من المواد العامة نشوف انهم افضل دكاترة عندك : عبدالفتاح سليمان - منظور شيخ - زكريا سالم - ريحان - وائل حسنين -- زيتون - وغيرهم الكثير

هؤلاء التوب في القسم وبالنسبة للقسم نفسه ممتاز وماعليه اي غبار

بالتوفيق

[dre]

ما اقول غير الله يكون في عونك