استفسار عن الجامعة و التسجيل

[Dandona]

بسم الله الرحمن الرحيم
السلام عليكم و رحمة الله و بركاته
انا قدمت طلب للجامعة بس لسا ما انقبلت نسبتي الموزونة 89.86 % ممكن انقبل بمسار العلوم الطبيعية و لا لازم تكون نسبتي فوق الـ90% و الدراسة بالانجليزي و لا بالعربي؟
و لو انقبلت ان شاء الله لازم اكون سويت الفحص الطبي قبل موعد مراجعة الجامعة؟
مكتوب عندي موعد مراجعة الجامعة للمرشح للقبول 5/8/1430 و انا مسافرة بـ 10/8/1430 ابغى اعرف في شي ثاني لازم أسويه بعد موعد مراجة الجامعة ولا خلاص لأني خايفة اسافر و يكون التسجيل لسا ما خلص
آخر سؤال
كلية تصاميم البيئة بس للشباب و لا في للبنات كمان؟ لأني افكر ادخل عمارة
أسفة لأني طولت عليكم و أتمنى تردوا علي و تطمنوني
شكرا مقدما

[*بنت جدة*]

أختى دندونه,,,,
فية كذا خيار قدامك إن شاء الله :
اولا: حاليا راح يكون الفرز على:
اما انك تنقبلي انتظام في جامعة الملك عبد العزيز (فترة صباحية- بمكافئة)>>>>>>>وانا اقول إن شاء الله,,بس انتى اهم شئ ادعي ربك ,,,

او: تنقبلي انتقالي في جامعة الملك عبد العزيز (فترة صباحبة -بدون مكافئة),,,

او:في كلية التربية للبنات (فترة صباحية بمكافئة)

* ولو لاقدر الله ماطلع اسمك في الخيارين السابقين راح تدخلي نفس الموقع اللي سجلتى فيه ,,وتعدلي اعتقد في الرغبات,,,,

اما انك تحطي:

تأهيلي(تدفعي 8 الاف لك ترم- والدوام راح يكون من الساعه 12 ظهرا الى 6 المغرب)
انتساب(3 الاف لكل ترم-والدوام راح يكون اعتقد من الساعه 5 العصر الى 9 العشاء)



بالنسبة لموعد المراجعة مو شرط يكون يوم 5 اكيد راح يقسموكم مجموعه لكل يوم لانو مستحيل الكل يجي في نفس اليوم,,,
*كلية تصاميم البيئة اعتقد بس للأولاد مافي للبنات,,


بالنسبة لسؤاالك هل الدراسة باللغة العربية او الانجليزية...

ادخلي الموضوع هذا http://www.skaau.com/vb/showthread.php?t=86498


(اتمنى تكون المعلومات واضح ومايكون فيها اي غلط)
بالتوفيق,,,

[mzat kau]

مممم على سوالك الاول اتوقع يقبلوكي انتظام لانو موزونتك مع القدرات وكدا عاليه ماشالله والسنه الللي فاتت وقفت على 85 سو احتمال كبير يقبلوكي ان شا الله
والدراسه بالانجليزي المبسطه ومرة سهل لاتشيلي همو
ولازم تكوني عامله الكشف الطبي قبل موعد المواجعه اصلا لازم تاخدي معاكي ولا مايتم تسجيلك ونصيحتي اعمليه في مستوصف اهلي ادفعي 100 ريال ويمشولك هيا بدال تحاليل وهم لانو والله احس مالها داعي انا رحت حكومي بهدلوني ولازم تحاليل ونتيجتها بعد كم يوم اخر شي تعبت ورحت اهلي والله بس دفعنا ميه الرجال شافني كويسه وقع الورقه وختمها وخلاص

وعلى سوالك اللي بعدو لا لو انتي ادوكي موعد مراجعه وراجعتي واستلمتي بطاقتك الجامعيه ماعليكي الا قبل الدراسه بكم يوم تطلعي جدولك من الاودس وتداومي ان شا الله
وللاسف كليه تصاميم البيئه بس للاولاد مع انو انا زيك كان نفسي فيها احسها لزوزة

يلا ربي يسهلنا تخصصاتنا ويوفقنا ويوفقك

[*بنت جدة*]

.
.
.
.
v
الظاهر مافي الا انا وانتى هنا

[crazy chance]

لاتخافي ةانا بأاكد لك انت من اول 500 طالبة راح تنقبلي ان شاء الله لانو اللي فوق التسعين علمي مهم كتير انا نسبتي زيك كانت العام بس اعلى في الفواصل العشرية وانقبلت من اول يوم الحمدلله يعني حطي في بطنك بطيخة صيفي ومبروووووك مقدما الدخول في الجامعة وحاضرين لاي سؤال

[Dandona]

شكرا بنت جدة و mzat kau و crazy chance على ردودكم ..طمنتوني، و الله ينجحكم بنسب عالية ان شاء الله



*كلية الهندسة في للبنات؟

[*بنت جدة*]

لا عزيزتى مافي في جامعة الملك عبدالعزيز تخصص هندسة للطالبات....

بالتوفيق,,