صـــــــدمة !!

[كيدو]

المشاركة الأصلية كتبت بواسطة m!ss wd داا البوينت حقي بالضبط .. !! بس ممكن انا قلتو بأسلوب مدري كيف ..

انا كنت برد تقريبا بنفس اسلوبك

بس لمن شوفت الناس متعاطفين مع الوضع لينت كلامي شوي

والله يا نار أني اعتبرك مثل اختي

بس هدي بالك شوي

انا كنت زيك في الثنوي بس متذمره ونكديه وسلبيه

بس لمن جت وحده اعطتني على راسي من ذاك الكلام اللي يسم البدن

بديت اغير وجهات نظري

واهمها انو اتحمل نتيجة افعالي مهما كانت

[روح البنفسج]

عزيزتي قولي الحمدلله مو نهاية الدنيا

محد يدري وين الخير له

قدمي للأنتساب وشدي حيلك وحولي انتظام

بالتوفيق يارب

[عاشقة الندى]

::.. السلام عليكم ورحمة الله وبركاتهـ ..::
أختي نار .. الله يبرد قلبكـ ان شاء الله ..
ماشاء الله اخواتي ماقصرو في الردود كفو ووفو ..
بس بقولك شويه عن اللي مريت فيه ..
قصة حياتي مع الدراسة شي يبكي بس الحمد لله ..
انتي عارفة انا في البداية كنت زيكم مقهوووووووورة من شي اسمو انتساب ..
كنت اقول انا اخش انتساب على اخر عمري .. ابدا ابدا وكبرت راسي ورحت درست دبلوم حاسب في معهد بس لأني مقهورة من الجامعه ومن أنظمتها واني ياادرس حاسب ياما ماني داخلة جامعه من اصلو ..
وبعد ماخلصت جلست في البيت أبكي على حظي .. العالم بكالريوس وانا ياحسرة دبلوم وكل دا عشان مارضيت بالانتساب ايامها ..
بس بقولك هيا والله العظيم اني بعد مادرست الانتساب اقتنعت فيه وربي دراستنا سهلة جدا جدا ..
وطول السنة نايمين .. مانفوق غير ايام الاختبارات .. وعلى فكرة انا مخلصة من الثانوية ليا كم سنة يعني مخي دراسيا صاير تنكة بعيد عنك مو فاكرة اي شي من اللي درستو ..
وشوفيني دحين الحمد لله والشكر جبت معدل ماعمري حلمت بيه في حياتي كلها ..
وماقولك انو مانفسي احول انتظام الا نفسي والله .. بس بقولك انو سبحان الله ماتعرفي ايش ربي كاتبلك ..
وانا دحين احمد ربي الف مرة اني بدأت انتساب لأنو كان السبب في حاجه حلوه مرة حصلتلي ..

الله يفرج همكـ يارب وهم اختي المسكينة اللي مازعلت على نفسي قد مازعلت عليها ..
::. معليش قرقرت كتير بس والله اني حاسه فيكي .::
انتي بس هديّ شويه وربكـ كريم ..


::.....::

[المحتاسه]

طيب يالغلا عاشقه الندى عندي سؤال

كيف الدراسه باالانتساب حلوه ولا صعبه عشان مو داوم كل يوم احسها صعبه شوي؟

الله يسعدك جاوبيني

[سعودية وكلي فخر]

وازيديكم من الشعر بيت

في وحده بالجامعه تقول الاجانب يدخلو والسعوديين برا برا سمعتها بأذني تقول روحو ادخلو انتساب على بالهم عند ملايين مرميه بالشارع

حسبي الله ونعم الوكيل الي ضيعتو احلامنا ومستقبلنا

[كيدو]

المشاركة الأصلية كتبت بواسطة سعودية وكلي فخر وازيديكم من الشعر بيت في وحده بالجامعه تقول الاجانب يدخلو والسعوديين برا برا سمعتها بأذني تقول روحو ادخلو انتساب على بالهم عند ملايين مرميه بالشارع حسبي الله ونعم الوكيل الي ضيعتو احلامنا ومستقبلنا

اللحين حاسده هالكم نفر اللي هم أخوننا من المسلمين انهم يدخلون الجامعة

بعدين هالوحده من تكون ؟؟؟

هل تمثل الجامعه ؟

لا تمسكي على هالعباره وتعملي منها قضيه

[سعودية وكلي فخر]

انا وش دخلني فيهم يدخلو انا الي قاهرني الي تشتغل بالجامعه ليش تقول السعوديين برا برا


ولا عشان انتو خلاص ماصارلكم زي الي صارلنا قدرات وتحصيلي ومش عارفه كيف

وربي لو يرجعو اسئله الوزراة احسن من القدرات والتحصيلي انا اخر سنه كان فيها اختبار الوزارة وارتحت سنتين بسبب مرضي وبرتاح هذي السنه لانه ماودي ادخل قدرات

[M!sS Wd]

المشاركة الأصلية كتبت بواسطة سعودية وكلي فخر وازيديكم من الشعر بيت في وحده بالجامعه تقول الاجانب يدخلو والسعوديين برا برا سمعتها بأذني تقول روحو ادخلو انتساب على بالهم عند ملايين مرميه بالشارع حسبي الله ونعم الوكيل الي ضيعتو احلامنا ومستقبلنا

ما شاء الله عليكم تجيبو معلومات خطيرة جدن .. ومين دي وحدة .. ؟

[صمت الفجر]

من جد يعني اذا الاجانب دخلوا احنا فين نروح ..اذا الجامعه للسعوديين ليش كذآ من جد شي يقهرررر

[عاشقة الندى]

هلا اختي المحتاسهـ ..

شوفي مافي شي يجي بالساهل مرة .. بس حسب اللي مريت فيه والمواد اللي درستها الى الان ..
لو بقولك انها اسهل من اللي درستها في الثانوية يمكن ماتصدقيني .. لأني والله احسها اسهل بكثييييير ..
أول حاجه لأنو الاختبارات كلها اختياري ..
والدكاترة أعطونا اسئلة وربي انا من وجهة نظري اشوفها مرة سهلة ..بس طبعا بعد المذاكرة..
يعني لو اجتهدتي بنفس تعبكـ اللي بالثانوية وذاكرتي بامانة تجيبي معدل عالي بالراحة باءذن الله ..
انا عن نفسي كنت علمي بس طبعا حطوني في مسار ادراي وانساني ..
وهادا هو الشي اللي قاهرني يعني انا اعتبر كأني ادبي مو علمي ومع ذلك الحمد لله مبسوطة وراضية لأني ابغى اتخصص في دي كلية اقتصاد وادارة ..
واعرف وحده كانت ايش اقولك ماشاء الله عليها جدا جدا شاطرة ودخلت اقتصاد وادراة ودحين هيا تقولي بنفسها انو الحمد لله مادخلت كلية العلوم ..

يعني بالمختصر ياختي اذا انتي شايلة هم الدراسة ..
فانا اقولك انو دراسة الانتساب اسهل الف مرة من الانتظام هذا حسب اللي شفتو واللي سمعتو ..
وان شاء الله كلها ترمين تجيبي معدل حلو وتحولي انتظام يااارب ..

::.....::