استفسار بخصوص الجامعه .. افيدوني جزاكم الله خير

[ورده الكون]

السلام عليكم ورحمة الله وبركاته

انا متخرجه من 3 سنوات من قسم هندسه الحاسبات من كليه المجتمع بتبوك << ايام ماكانت فرع من الجامعه بمعدل 4.14 وحابه اكمل بكالوريوس بالجامعه ..

وكل سنه تضيع علي وما احد افادني ومالي احد بجده .. وما ابغى اروح على الفاضي

ساعدوني .. هل اقدر اكمل بالجامعه او لا ..

جزاكم الله خير

[يارب بكره أحلى]

والله ما ادري انت اش قصدك بالضبط

بس اعتقد ما في هندسة حااااسب للبنات في عبدالعزيز

هادا كلام وحده كانت تبغى تسجل وبطلت تقول ما في هندسة حااااسب

والله واعلم

[ورده الكون]

قسم هندسه وتقنيه معلومات << هذا التخصص

كيف اكمل بالجامعه قصدي .. انتساب او انتظام .. وايش الاجراءات

ساعدوني العمر راح :(

[mond 14]

أختي شوفي كلية دار الحكمة أو كلية عفت أظن عندهم تخصص هندسة حاسبات إسئلي وشوفي

وبالنسبة التسجيل في جامعة الملك عبد العزيز راح عليكي قدمي من السنة الجاية ولا تيأسي والله يوفقك

[ترانيم الحزن]

مايقبلون التحويل لكلية الحاسب
انا كنت زيك ورفضو التحويل وها انا ببدا من جديد في الجامعة ذي

[ورده الكون]

للرفع

[عصر الحاسب]

وردة الكون ، اذا بتسجيلين انتساب مايمديك تكملين في تخصص الحاسب اذا حابه

وتقدرين تكملين في الجامعة بحول الله تعالى إذا بدأ التسجيل العام القادم في الجامعة لأنه التسجيل الآن انتهى

بالنسبة لكلية الحاسبات وتقنية المعلومات فيها ثلاث تخصصات وعلى الأترام الأخيرة يبدأ تحديد المسار لكن إلى الآن الكلية أعطتنا فكرة عن موضوع المسارات ولكن ماحددتها بالضبط
بالنسبة للأقسام : علوم حاسبات - تقنية معلومات -نظم معلومات

وبالنسبة للهندسة فيه مواد في القسم لها علاقة وثيقة بهذا التخصص لكـن كمسمى تخصص لا يوجد للأسف الشديد.

إذا عندك إصرار وعزيمة على مواصلة البكالوريس في أيًا من الأقسام الثلاثة -وبإذن الله قادرة على هذا الشئ-
عليكِ فقط متابعة القبول والتسجيل بدقة للعام القادم بعد إنتهاء الاختبارات النهائية حتى لاتضيع الفرصة عليكِ،

اختبار القدرات والتحصيلي صار مطلوب من السنة الماضية في التسجيل في جامعة الملك عبدالعزيز ، لكن عليكِ ايضا متابعة موقع قياس لمعرفة أوقات الاختبار على مدار السنة .


أتمنى لكِ نجاحًا باهرًا
وأي سؤال أنا مستعدة