ياليت كلكم تفيدوني كلا حسب خبرته

[سهر]

السلام عليكم ورحمة الله وبركاته

اخواني واخواتي اللي يتمنوا ينقبلوا في بعثات زي ماانا احلم
انا السنه الجايه تكون السنه الخامسه لي في الجامعه قسم لغه انجليزيه
اتمنى يكون في بعثه يمكنني من ممارسة اللغه او السكن مع عائله زي ماسمعت يعني ابغى اوقف دراستي الجامعيه الى الانتهاء من مدة البعثه بعدين ارجع وانا لغتي كويسه وابدأ اكمل السنه والترم اللي باقيتلي والاهم في الموضوع كله ان زوجي لازم يروح معايا وهو يشتغل في القطاع الحكومي والعسكري بصفه خاصه وعندي طفل عمره سنتين لازم يكونوا معاي
بإيش تفيدوني او اللي يعرف احد يقدر يفيدني لاتبخلوا علي والله اني بحاجه اقوي لغتي فوق ماتتصوروا لاتقولولي معهد ودورات مافي احسن من انكـ تتعلم وتسمع اللغه من أهلها..
ياريت تساعدوني وماتقصروا معاي وجزاكم الله عني كل الخير والجزاء

[سهر]

ويـــــــــــن الناس؟؟

[بوليمر®]

كيف بعثة يا اخت سهر ؟

[سهر]

يعني اروح اقوي لغتي 0000

[بوليمر®]

طيب

كذا اتوقع ما تكون بعثة ،، راح تكون دوره على حسابك في الخارج عشان تقوي لغتك ،، لأن البعثة تكون مثلا بعد الثانوي او بعد الجامعة تكملي ماجستير وعلى حساب الدولة او اي جهة مسؤولة

لو فرضنا انك طلعت الدورة دي ،، انا شايف انك تقولي ما شاء الله انك متزوجة وزوجك عسكري ،، فكيف راح يطلع معاك؟؟ العمل ما اتوقع انه يسمح له بالمرافقة وخاصةً في العسكرية ما يمشي الكلام دا عندهم << ما ابغى اقفلها عليك بس دا اللي اعرفه

عشان كذا سألتك ايش تقصدي في البعثة

[ابوطلحة]

المشاركة الأصلية كتبت بواسطة سهر يعني اروح اقوي لغتي 0000

أنصحك يااختي بالدراسة الذاتية(( self study)) ومادام عندك الرغبة صدقيني راح تكونين متمكنة جداً...اعرف من درس في امريكا ينطق حرف ال((l)) في كلمة (( talk))...واعرف من يتحدث بطلاقة وهو ماعنده جواز سفر....ومادام النت والبرامج التعليمية متوفرة اضمنلك التقدم كثيراً.

بس المسألة تبغالها اصرار ويبدو انك ام الإصرار ( ماشاءالله ).

بالتوفيق.

[هي هي]

مساء / صباح
الخيرررررررر
اختي سهر
ما انصحك تروحي الحين لانه مثل ماقال الاخ الفاضل يوليمر راح تروحي على حسابك وزوجك مايقدر يروح معك
انصحك تكمل الجامعة واذا إن شاء الله ماقفلوا نضام الابتعاث قدمي عليه لدرجة الماجستير
وتقدري تروحي انتي وزوجك كمان لان فيه نضام للمرافقين طبعاً(الزوج) اذا كانو عسكريين الي هو
اذا كان فيه ملحقيه او سفاره في الدوله الي راح تبعثي لها يلحق زوجك للعمل فيهااااا واذا ماكان فيها يفرغ من العمل مدة بعثتك اعرف ناس كثر مسوين كذا عسكريين ورايحيين مع زوجاتهم
اتمنا لك الخير
i wish u all the best

[سهر]

الف شكر لكم اخواني

بوليمر انا طرحت نفس الموضوع في قسم الوظائف والبعثات وجاوبتني احدى الاخوات لقيت انو ميسرين نظام المحرم اذا كان اخ او اب او زوج وموظف حكومي يعطوه اجازه مفتوحه من العمل ومكافئه ماليه قدرها3500ريال ويعامل كأنه مبتعث زيي زيه بحيث انه يدرس اللغه كمان ومسموح لي بأخذ طفلين فقط وانا ماعندي الا واحد والاطفال تصرف لهم مكافآت فأنا تحمست مرره وودي اروح اقوي لغتي واكسر حاجز الخوف وعدم الثقه في النفس انا من النوع اللي عندي كلمات لكن ارتبك واستحي اتكلم فنفسي اروح عشان غصب عني اتكلم انجليزي مع الناس اللي اقابلهم يعني اخارج نفسي وصراحه كيف اروح بعد سنه ادرس ماجستير وانا لغتي اي كلام ايش يكون موقفي انا اتمنى هالشي من قلبي حتى اني بدأت احلم واتخيل نفسي اني هناك احس لو رحت اي معهد بيرلتز او غيره ماراح استفيد زي لمن اقعد هناك مثلا 6 شهور.
طيب اقدم بشهادة الثانويه العامه اروح هناك ايش اسوي يعني ادرس جامعه ؟؟؟ تكفون طمنوني الله يحقق لكم اللي تتمنوه يارب.

[بوليمر®]

اخت سهر اللي جاوبوك اتوقع انهم جاوبوك على انك تبغى تروحي بعثة بعد الجامعة على حساب الحكومة فـ دي الحالة صح راح يسمحوا لزوجك والنظام يجيز

والاخ افادك هنا

وتقدري تروحي انتي وزوجك كمان لان فيه نضام للمرافقين طبعاً(الزوج) اذا كانو عسكريين الي هو اذا كان فيه ملحقيه او سفاره في الدوله الي راح تبعثي لها يلحق زوجك للعمل فيهااااا واذا ماكان فيها يفرغ من العمل مدة بعثتك اعرف ناس كثر مسوين كذا عسكريين ورايحيين مع زوجاتهم

لكن انتي رايحه عشان تقوي لغتك ودا معناه دوره مو بعثة فـ هنا الاختلاف

[لسى فاكر]

اخت سهر حاولي تفهمي كلام الاخ بوليمير