ماهو الحل مع النظام الألكتروني الجامعي

[bin_s3ud]

انا احد الطلاب المنتسبين الجدد


ارسلت لي الجامعة رقم الطالب وبعدها انقطع التواصل من الجامعة


حاولت الدخول على النظام الألكتروني ولم أفلح

كل شوي يقول الرقم غير صحيح


طيب الرقم السري حاطة رقم السجل المدني بدون اول رقم من اليسار


طيب ليش مايدخل للنظام


اوك ممكن غلط ؟!!


خلاص انا طلبت رقم جديد وأرسلوة على الجوال


ونفس الحكاية مايدخل

يقول فية خطاء


طيب ارسلت طلب جديد ونفس الحكاية مافتح معي




انا ابي حل


ياخي انا ضايع ماني عارف ايش وظعي بالضبط


لي اكثر من شهر ونص وانا اناقز مع الجامعة ولا فية احد ملتفت لي

وش الحل

[مبارك فهد الدوسري]

لا تعصب ولا ترفع ضغطك

المسألة هي ما راح يتفعل النظام الا في رمضان أو في بداية العام الدراسي الجديد

وسلامتك

[أآأماليا]

مسااااااء الخيرااات خيووو bin_s3ud . . . :)

لا تعصب ولا تهتم ترى حنا سبقنااك وطاامرنا بما فيه الكفاايه لكن لا حيااة لمن تنادي

الله يعين على هالجاامعه اللي مااا ادري وش اخرتها معها . . :(

النظام مقفل الحين ولا فيه امل يفتح الا قبل الدراااااسه بايااام . . .

بحكم انهم مشغوولين والمشغووول لا شغل . . . الله يعين ويكتب ما فيه الخير والصالح يا رب

:)

[المبدع9111]

العجلة والحماس الزايد مهوب زين يابن سعود .

هدي أعصابك وبيجي وقت الدراسة وبتدخل .

[فهد العنزان]

المشاركة الأصلية كتبت بواسطة bin_s3ud انا احد الطلاب المنتسبين الجدد ارسلت لي الجامعة رقم الطالب وبعدها انقطع التواصل من الجامعة حاولت الدخول على النظام الألكتروني ولم أفلح كل شوي يقول الرقم غير صحيح طيب الرقم السري حاطة رقم السجل المدني بدون اول رقم من اليسار طيب ليش مايدخل للنظام اوك ممكن غلط ؟!! خلاص انا طلبت رقم جديد وأرسلوة على الجوال ونفس الحكاية مايدخل يقول فية خطاء طيب ارسلت طلب جديد ونفس الحكاية مافتح معي قولو لي وش الحل مع موقع الجامعة الفاشل والا موظفين الجامعة اللي ماتلتفت ولا ترد على الأتصالات ؟؟؟ انا ابي حل ياخي انا ضايع ماني عارف ايش وظعي بالضبط لي اكثر من شهر ونص وانا اناقز مع الجامعة ولا فية احد ملتفت لي وش الحل

النظام سوف يفعل للطلاب الجدد الدفعه 10 بشهر رمضان المبارك

او مع بداية العام الدراسي بتاريخ14/10/1430هـ

وكل عام وانت بخير وعساكم من عودة

[أبو لانا]

السلام عليكم جميعاً
إخواني أنا سددت ولم استطع الدخول على نظام الجامعة لتسجيل مواد الترم الصيفي
كل شوي يقول الرقم غير صحيح علماً إن كلمة المرور تحتوي لدي على أكثر من أربع حروف
وجربت برقم السجل المدني بدون أول رقم وبدون فائدة
طلبت كلمة مرور جديدة لأأكثر من خمس مرات ولم يصلني شئ حتى هذه اللحظة...
أرجو ممن لديه معلومة أن يفيدني