للنقـــــاش .. المشكلة فين ؟؟

[المهاجرة]

بسم الله الرحمن الرحيم ..

أهلا بكم أعضاء هذا الصرح الرائع ..

حبيت أطرح موضوع للنقاش وأتمنى بالفعل التفاعل ولو برأي بسيط حابة أعرف أراءكم يمكن أستفيد بأشياء كثيرة يمكن ماتجي على بالكم ..
وياليت كل واحد يعلق على الموضوع بشكل أساسي ومايعلق على أي عضو ولا ينتقده مهما كانت فكرته .. لأن كل واحد له وجهة نظر مختلفة عن الثاني .. إلا إذا كان النقد نقد بناء ..

الموضوع هو مجرد تساؤل ..

سؤال محيرني كثير ..

ليه إحنا كذا ؟؟

<< لا ياشيخة كأنك قلتي حاجة ..

أقصد طبعا ليه مجتمعنا تفكيره بهالسطحية هذي .. ليه الناس أكبر إهتماماتها تكون كأي إنسان عادي ..!!

ينولد ويدرس وتبدأ معناة الثانوية والنسبة وبعدها معناة القبول بالجامعة وبالقسم اللي يبغاه وبعدها الوظيفة هذا إذا حصل ..!!

وبعدها الزواج وبعدها العيال ووووووو ...... الشخص مات ..

لأنه وبكل بساطة إنسان عادي ..

ليه مانفكر بطريقة مختلفة .. ليه ماتصنع منا أهدافنا وتطلعتنا لبناء أمة نفتخر بها عند الغرب ..!!

ليه دائما أحنا المستخدمين ..!!

ليه مانصنع ..!!

تخيلوا لو جا يوم وقررت جميع الدول الغربية تقاطعنا ..!!

وأخذت كل منتجاتها من بيوتنا ..!!

<< عارفة مستحيل .. لكن مجرد تخيل أتمنى ماتبخلو فيه ..

الآن كيف راح يكون حالنا ..!!

لا سيارات ولا جوالات ولا كمبيوترات ولا نت .. ولا ولا حاجة ..

راح نرجع نركب الجمال ونتقل فيها من مكان لمكان ثاني ..!!

حتى السفر مافي أمل نسافر لأقرب الدول العربية ببساطة لأن ماعندنا طيارات ..!!

بس حابة نوقف مع أنفسنا شوي ليه أحنا مانصير أشخاص غير عاديين ..!!

الموضوع للأسف مايحتاج ذكاء ..!!

ولا العبقرية هي التي صنعت العباقرة ..!!

لكن هو مجرد نقطة فاصلة في حياتك .. وهي : تحديد ماتريد أن تكون ..!!

والله لو بس تغير هالتفكير كان كثير من المشاكل انحلت ..

بصراحة ..

تعبت من كثر ما أسمع الشكوى من هالشعب المتبلد ..

24 ساعة شكوى .. من كل حاجة حواليهم ..

ومنها هذي الصورة من جد قاهرتني ..




تخيلو لو هالشباب هذولا فكروا بجدية .. لو واحد بس فكر بفكرة اختراع لو بسيطة في راسه ممكن توظف هالملايين كلهم اللي حابين تجيهم الوظيفة على طبق من ذهب .. مع شوية تعب ..

لا تقولون ما في ناس تدعم ..!!
فيه .. لكن ما أحد يبغى ..

بترجع تقول لي مافيه ..!!

أرجع أقول لك جرب بعدين تعال تكلم ..!!

تقول جربت مافي فايدة ..

أرجع أقولك مو نهاية الطريق ..!!

إنت لما تحط فكرة ببالك وتصر عليها ..

ما أحد راح يقدر يوقف بوجهك .. إلا اللي خلقك ..!!

سؤال في النهاية ..!!

هل في إمكانية يتغير تفكير شريحة كبيرة من المجتمع ولا مافيه أمل ..!!

<< متأثرة كثير بكتب العلماء اللي تقراها ..!!

عارفة إنو في كثير منكم بعيد عن التفكير اللي ذكرته .. لكن أنا أتكلم عن الفئة المقصودة وهي الأغلبية في مجتمعنا هذا للأسف ..

وفيكم الخير ..

وجهة نظر .. وأتمنى التفاعل ..