لجميع طلاب الانجليزي .. الان إنطلق قارب التجديد فاحجز مكانك فيه

[ريهـام]

يسعد مساكـم

قبل ثلاث سنوات حققت أكبر حلم لي وجبت النسبـة اللي تدخلني الجامعة من أوسع أبوابهـا وكان بي شوق كبير إني أكمل حلمي وأدخل التخصص اللي حبيته وفعلا تخصصت أنجلش وجربت أول ترم وكنت نوعـا ما مبسوطه وشديت حيلي لكني واجهت نوعا من الإخفاق قلت يابنت ماعليك كل قسم فيه صعوبات حطميها وبتوصلين للقمة دخلت المستوى الثاني وشديت حيلي أكثر لكن الإخفاق مازال ملازمني
ناهيتكم عن المعدل اللي مدحدر في وادي مابه أحـد مررة مرتفع يبيض الوجــه

ومرة ينخسف خسفن يروّع تقول مؤشـر الأسهم

المهــم مالكم بالطويلة القســم تنظيما زفت خاصة على دفعتي غيروا الخطة وأنا في المستوى الثالث
قالوا ارجعي لمواد المستوى الأول والثاني لين تخلصينهم ثم تعالي قابلينـا

كافحت وخلصتهم وصرت أتضارب مع الخطه ياأنا ياهي مرة امشي عليها بسم الله علي ومرة تسبقني

المهــم يوم قررت أتخرج السنة الجاية بحول الله إلا ألقى ورقة مزركــشه مبروزة معلقينها في

السكرتارية تعلمنا يتغيير الخــطة

ياربي أنا من وين جيتك ياجامعة ووين جيتني

لاأخفيكم أحبطت إحباااط شـديد لدرجة إني ضربت في الأكــل << من النوع اللي يفش غله في الأكل

وبكيــت لين ماحسيت إني عيوني تنفخــت

قلت لابو الجامعة ولابو الطموح اللي أعرفــه << سامحوني على الألفاظ بس والله من الحرة اللي أونسـها

أدري طولت بس الفضفضة ببلاش

نبي الخطة اللي يقولون انها جديده تطبق على المستجدين ماهوب علينا يالمتخرجين

ونبي بعـد مايدرسونا أدب خير شــر دامني مسار لـغة

ماعلينــا ترى كل يوم بجي أطبطب عليــكم وأشوف معاناتكم وبرص معاناتي معـكم << أجل للحين ماخلصتي

وبالنسبة لأيميل مدير الجامعة خايفة أرسله باسمي ثم يطلبوني أمنيـــا

يمكـن أرسل له بدون أسم ويمكن أرسل له باسمي ورقمي الجامعي بس بعد

مااستشير المستشار حقــي ربي لايخليني منه

بس تدري وين المشكلة إن ماأعرف اكتب بالعربي الفصيح تشوفون ردي خليطي فصيح على نبطي

أستودعكم الله الذي لاتضيع ودائعه

سلاااام