◄{خُطَه {أ} وَ خُطَه {بَ} تعآلوُ نفيد بَعَضْ في تجاربنا بالمواد}►

[فروته]

يا بناااااات الادبي لا تسوو حركات دلع

الفرق بيننا و بينكم ثاني وثالث بس

وعلى فكرة انا تخرجت من الثانوي و قعدت سنتين ما درست جامعة بعدين دخلت

يعني سنتين ما سمعت كلمة علمية زيي زيكم

والله انه الاحصاء سهل واستاذتنا هنادي منصور ما شاء الله تبارك الله قمة بالشرح

اجلسي قدام و جيبي دفتر محاضرات ركزي مع الاستاذة اكتبي المحاضرات ولو غبتي لظرف او شي

انقلي المحاضرات من وحدة كتبت و اي شي تقوله ما تفهميه عادي وقفيها و اسالي لا تستحي

والله بالعكس كذا احسن لك اكتبي ملاحظات بالعامية جنب كل مسالة لو هي قالت ترى مرة تفيد لما تذاكري

تخليك تسترجعي المحاضرة و تفهمي

و نصيحة نصيحة نصيحة شي سويته و جد فادني

كل ما نخلص باب افتح اللي هو الورق حق توزيع المقرر و اشوف ايش المسائل اللي معانا

واجيب ورق و ابدا احل بشكل مرتب و اكتب اسمي و رقمي الجامعي و اديها الاستاذة تصححها لي

و بعدين اشوف ايش عندي اخطاء و ارجع اراجعها مع الاستاذة

بنات بليز لا تتكاسلوا كل ما شفتي نفسك فاضية جيبي كتاب الاحصاء و دفتر وحلي تمارين و امثلة

كل ما تحلي كل ما تسهل المادة

ترى بالاختبار ما راح يجيبوا كلام جديد هو هو الكتاب لما تتمرني على الكتاب بتشوفي نسخه طبق الاصل بالاختبار

لا تقولوا عشاني علمي بالثانوي اشوفه سهل

والله هو جد سهل

و عشاني علمي بالنسبة لي اصعب مادة مهارات التفكير من جد اكرهها من قلبي بس مو معناها اني اهملت

شديت حيلي و ذاكرت و سويت كل اللي اقدر عليه

والحمدلله جبت 90 من 100 << ما شاء الله

هذا وانا متعقدة منها

يعني من جد مافي شي مع المذاكرة يصير صعب


الله يوفقنا كلنا يا رب خطة ب و خطة أ و يحقق لنا امنياتنا و طموحنا يا الله يا كريم