ihhhhh

[:::Zaza-.-MaZaza:::]

وعليكم السلام,, نظم معلومات مو قسم :) هوا مسار من قسم ادارة اعمال من كلية ادارة واقتصاد،، يعنى اذا انتي سنة تحضيرية اول شي لازم تنقبلي في كلية الادارة والاقتصاد وبعدين تتخصصي قسم ادارة اعمال وهما السنة الي راحت كانوا طالبين 4 وما فوق وبعدين تدرسي اعتقد سمستر او سنة بعدين تحطي رغباتك في المسارات حسب الافضلية وهما اعتقد حاطين معدلات لكل مسار يعني زي ما حصل بالزبط لمن دخلتي القسم والي اعرفوا برضو انوا مسار نظم معلومات غالبا يبغى 4 بس عموما حكاية المعدلات سواء في دخولك للقسم او في تحديد مسارك مهي ثابتة لانهم بيحددوا المعدل على حسب كمية البنات الراغبين في القسم او المسار ،، يعنى مثلا قسم الاقتصاد انا اسمع انو كان اول عشان تدخليه لازم تجيبي 3 وما فوق السنة الي فاتت خلو من 2 !! وقسم الانظمة عشان الاقبال المتزايد عليه برضوا رفعووه الى 4 ,, بس احلى شي في قسم الانظمة انو ما في الدوخة دي حقت المسارات الي في باقي اقسام الكلية ,, واللـــــــه أعلم.. عموما انتي تقدري كمان تروحي بنفسك وتسالي في مبنى (2) مبنى الادارة، وإن شاء الله حيفيدوكي ,, وقبل كل شي استخيري وموفقة ان شاء الله :)