استفسار بخصوص phys 221

[Mr.A AL]

السلام عليكم

كيفكم ان شاء الله بخير

انا طالب من جامعة الملك خالد بكلية الهندسة تخصص ميكانيكية ، والصيفية هذي ان شاء الله باخذ ترم زائر عندكم
القصة وما فيها انه نزلت مادة math 202 وابي اخذ مادة معها وقررت اخذ ديناميكا حرارية (1)
لاكني احترت لانه في القائمة اللي نزلت بالمواد اللي تقدر تاخذها صيفي حصلت مادتين ديناميكا وهي :

ديناميكا حرارية (1) mep 261
هذي تبع قسم الهندسة الحرارية وتحلية المياه بكلية الهندسة


والثانية :

ديناميكا حرارية phys 221
تبع قسم الفيزياء بكلية العلوم


قلت ياولد خلني اخذ الوصف حق المقررين واروح الجامعة واشوف وش يعادلون لي منها
المهم ، رحت للجامعة سألت عن دكتور المادة بجامعتنا حصلته ودخلت عليه ، بدايت اقرأ له الوصف حق mep 261 وانا بنص كلامي قاطعني وقلي خلاص خلاص عرفتها هذي تعادل بنسبة 100% (في جامعتنا لازم تكون نسبة معادلة المواد لاتقل عن 80% ) قلي هات ورقتك عشان اعادلها لك ، قلتله دقيقية خلني اسجل البيانات ، وانا اسجل البيانات جتني فكرة جهنمية قلت ياولد خلني اسجل المادة الثانية اللي هي phys 221 لانها 3 ساعات و3 محاضرات لاكن المادة الاولى mep261 اربع ساعات و5 محاضرات <<<<<< كسلااااااااااان
سجلت ابو 3 ساعات وعطيته الورقة طالع فيها شوي بعدين عادلها بنسبة 100% ووقعها ، اصلا كان دوبه صاحي الساعة 8 يعني لو كتبت تربيه فنية كان عادلها لي هههههههه
المهم ، بعدها رحت وقعتها من رئيس القسم ومن عميد الكلية يعني الحمد لله عدت على خير والورقة صارت معتمدة ، اللي ابغاه منكم حبايبي معلومات كاملة عن phys 221

صعبة او سهلة ؟
وش اسهل هي ولا 261 ؟
افضل دكتورللمادة ؟

يعني بالعربي تنصحوني فيها ؟

انا قريت الوصف للمادتين يعني حسيتها قريبة من بعض مرة يعني اختلاف بسيط بس 221 مغرية اكثر لانها 3 محاضرات ههههههههه لاتستغربون والله بيتي بعيد عن الجامعة يعني مشوااااااااااااااااار .

بانتظار ردودكم