بنات مكه والطائف..

[bishoo*]

المشاركة الأصلية كتبت بواسطة بحر الحرية السلام عليكم أختي بيشو.. وعليكم السلام ورحمة الله وبركاته.. أنا آسف إذا كان يزعجك الرد في موضوعك لأنه خارج عن الموضوع، لكن والله هياا مجرد نصيحة أخ لأخته: لا عادي اتقبل.. شيلي هذي الفكرة من راسك، وقبل تسويها فكري فيها كتيييييير، حديث الرسول صلى الله عليه وسلم: "من سلك طريقا يلتمس فيه علما سهل الله له به طريقا إلى الجنة" مو معنى الحديث إنك تسافري وتمسكي خط كل يوم، لأن الله أمرك باليسر والسهولة، في القرآن قول الله عز وجل: "ربنا ولا تحملنا مالا طاقة لنا به" وفي الحديث الصحيح من رواية أبي هريرة رضي الله عنه: "السفر قطعة من العذاب" ياخوي والله انت صادق بس اللي مافي امل غير انه يسافر.. كذا يكون سلك طريق للعلم.. اللي أقترحه عليكي: قدمي على السكن في جدة، والـ700 ريال اللي راح تحطيها ف الباص، حطيها ف سكن الجامعة، انتي دحين طالبة جامعية بحاجة للاستقرار، ومسألة إنك كل يوم تسافري ممكن راح تضرك ف معدلك ودراستك، لأنك ف السنة التحضيرية دوامك الساعة 8، وما تخلصي إلا 2 أو 3 ف الظهر، وراح تطلعي أول شي على مكة، نص ساعة عبال ما يوصل الطالبات اللي ف مكة، ومع زحمة الطريق والخروج ممكن تجي أكثر من نص ساعة، بعدين فكري إنك راح تطلعي على الطايف، يعني يا دوب توصلي البيت الساعة 5 أو 6، حتوصلي تعبانه ودوبك ترتاحي وتنامي وتتفاجئي بداية يوم جديد ونفس الفلم. ولا تنسي إنك ف السنة التحضيرية محتاجة أكبر قدر تقدري عليه من الدرجات، عشان تتخصصي ف الشي اللي تبغيه، وترتاحي ويكون معدلك مرتفع في بقية السنوات. وجدا صعبة صعبة صعبة مسألة السفر من الطايف إلى جدة، يمكن لو كنتي ف مكة نوعا ما تكون مقبولة، لكن للطايف كثير مره، تقريبا 200 كيلو، يعني كل يوم 400 كيلو ف الطريق. فكري مزبوط أختي، والسكن ف الجامعة أفضل حل لكي، وإنشاا الله راح تلاقي أخوات لكي وأكثر من أخوات ف السكن يارب. والله ياخوي مافي اي موضوع جاء عن السكن يعني انا مدري كيف البنات قدموا عالسكن.. وفكرة السكن والله حلوه وبس وين اللي يدلوني وماعرف الطريقه للتقديم السكن.. الله يوفقك ويسهل عليكي ويخترلك اللي فيه الخير يارب، وآسف إذا كان ردي محبط لكي، لكن هذي هياا الحقيقة، وأنا أعتبرك زي أختي، ولو كان عندي أخت وكانت ف موقفك، كان نفس الكلام هذا راح أقولها لها وأكثر كمان. موفقة يارب؛؛

الله يجزاك كل خير..
وابد مافي ردك احباط ولاهم يحزنون..
واقتراحك جداً رائع.
وانا ان شاء الله باخذ به
بس اخاف انه خلص التقديم فياليت احد يعرف يفيدني..
الله يسعدك ياخوي ويسهل دربك..