ضروري مين يعرف رسوم حضانة الجامعه

[الدر المصون]

توتي فروتي هلا والله اختي ولو احنا اخوات الله ييسر امورنا ياااارب

هادي ياطويلة العمر عند الجامعة عند سوق السلميانية عند كارفور والبيك عارفتة من عندوا تمشي على طول بعدين تلاقي جامعة الملك قدامك تاخدي يوتيرن تلاقي صيدلية النهدي بعدها محل صغير اسموا بالبيد للديكور من عندوا تلفي يمين بعدين يسار على طول تلاقي فلة ملونة وعلية رسوم كرتونية
اما عن رقمهم كتبتوا في الصفحة الي قبل هادي
اما عن الدوما والله مدري اتصلي واساليهم والله ماعنديخلفية وسمعتها تقول انوا امكانية للتسجيل الاسبوع الجاي بس بدون خصم
انا دفعت 500 ريال قالتلي المفروض 1000 ريال دفعة اولى
قلتلها اول يوم اجيبها اجيب معها ال500 الباقي وافقت
ولازم لمن تروحي تسجليها تاخدي كرت العايلة وكرت التطعيم حقها بس
هادا كل شي تقريبا اها صح ترى يقعدوا لمن 7 المغرب لو تبغي تروحي اليوم


ادعووولي ربي يصلح بنتي وزوجي
واي طلب انا تحت امرك

صح نسيت اقولك تعرفي حي الرحاب مسجد بن جبيرن القنصلية الاندونيسية الي هناك في هناك حضانة اسمها الثبات او دار الثبات بس ماعندي والله معلومات عنها شوفي انتي والله ييسرلكم يارب