رسالة مهمة الى المشرفين وبقية الأعضاء الكرام

[ضحايا الصمت]

السلام عليكم ورحمة الله وبركاته ....


تحية طيبة وبعد ......


اولا: اتمنى لي ولكم ولجميع اخواني الطلاب التوفيق في الدارين

ثانيا وبدون اطاله : كفاية تكرااااااار مواضيع

يعني الواحد يدخل المنتدى تقول داخل فين ؟


مليون الف موضوع لنفس الطلب .. يعني لو الواحد كلف على نفسه ودور لو دقيقتين بيحصل الي يبغاه

كل شويا موضوع ... تكفون والله يوفق الي يساعدني وفزعه ومزعه !!!!!!!!


ياجماعه والله مايصير الطريقة هذي .... هذا مو منظر منتدى بحجم المنتدى هذا


احنا كطلاب جامعيين المفروض نكون على قدر من الوعي وندور الي نبغاه واذا ماحصلنا نطلب المساعده ... مو نطلب المساعده من قبل مانكلف على اعمارنا وندور !!!

والدليل على الكلام هذا ... ادخلو على كل المواضيع الي بتكلم عنها وبتلقو الردود عبارة روابط لمواضيع اخرى في نفس المنتدى وفي نفس القسم ....


طيب ليش ؟؟؟؟؟؟

والله كل يوم ادخل المنتدى واحصل 1000 مليون موضوع طلبات مالها معنى ... اغلبها موجوده ومثبته كمان ... طيب ايش باقي ؟؟


اتمنى من الجميع انه يتفهم وجهة نظري عشان اول شي منظر المنتدى كويس ومرتب وبعدين نستفيد من بعض بدل مو كل اثنين او ثلاث اشخاص شغالين في موضوع لوحدهم لنفس المادة وبعدين عشان الي عنده المعلومه ووده يساعد يعرف فين يحطها مو يقعد يدور على 100 موضوع يوصل النقطه الي عنده ..




يعلم الله اني ماقصدت احد بعينه بس هذا التخبط بيصير كل ترم في هذي الفترة ويزيد قبل ايام الاختبارات


وودي لو المشرفين يضاعفو من جهودهم شوي ويقفلو او يحذفو المواضيع المكررة هذي لانها زحمه عالفاضي ..... لو صار الشي هذا لمدة شهر بس .. بتلقى كل واحد عارف وفاهم ويبدأ يبحث ويدور على طلبه



اما كل واحد يدخل المنتدى وعلى طووووول موضوع جديد وتكفون وبليز وادعيلكم وتدعولي انا اشوف انه غلط











اسف جدا على الاطاله واتمنى الجميع يتفهم وجهة نظري وبالتوفيق للجميع