المعدل

[pharm.d .s]

المشاركة الأصلية كتبت بواسطة النوررر تسلمي ياحياتي طيب اه هو الفرق بين النظام القديم والجديد ؟ وهل اقدر ارفع معدلي من 3 الى الامتياز ؟ واه هيه نسبة الامتياز؟

النظام القديم المواد العامة الي هيا تقافة وعربي مو داخلة في المعدل بس متطلب للتخرج
الامتياز كان من 85%
وطبعا كان على كل سنة نسبة معينة يعني اولى 5 % تانية وتالت ورابع 15% خامس وسادس 25%
على ما افتكر مو مرا متاكدة
النظام الجديد الامتياز من 90% والمواد العامة داخلة بالمعدل اكيد
ويتعاملون بالمعدل
كمان انو النظام الجديد سنة اولى كانت اترام واحنا كنا نظام سنوات
وما اعرف كيف راح يتحسب التراكمي تبعكم .....
طبعا النسب على حسب السنوات حاجة ممتازة مرا
بالنسبة لرفع المعدل لا شك انو تقدري ترفعية
وانا اقولك السبب ...
سنة ثانية من اسهل السنوات في الكلية ( على الاقل في وجهة نظري) لانو اغلب موادها تكرار لسنة اولى مع زيادة شوية تفاصيل
سنة تالت تعبر عنق الزجاجة بس مو مرا الواحد يقدر يرفع المعدل الحفاظ على المعدل بحد ذاتوا انجاز
اللعبة هون المعامل هيا مفتاح النجاح لكتير ناس <<<< الي همهم النجاح بس
رابع هنا يبدا يقدر الواحد يزبط نفسوا لانو المواد ممتعة وسهله
خامس مراااااااااااااااااااااااااااااااااااااااااااااااا ااااااااا سهل الواحد يجيب درجات لانو فيها مواد سهلة واترام
سادس واغلب الناس يسروا يجيبوا امتياز فيها وتعتمد على حسب المستشفى الي الواحد يدرب فيهااا
ترى انا باقول سهله سهلة بالنسبة لصيدلة مو سهلة يعني لعب
ترى لو الواحد ما كرف كرف مرا راح يجلس على ابو مقبول لما يتخرج
بس اجتهدي واعطيتي كل مادة حقهاااا مرا راح تحصلي درجات
وكمان في مواد كنت اكرف فيها كرف بطال وما اجيب درجات لاني ما كنت انتبه على طريقة الاسئلة
في دكاترة اسلوبهم ما يتغير في الاسئلة وطبعا لو عرفتي طريقتهم امتياز وانتي مغمضة