تجربتي مع الكرتسزم مع أستاذة سهام

[ioooi]

انا اخدت المادة مع مسز سهاااام وكانت رعب في البداية بالنسبالي وجبت درجة مرة وحشة اول اختبار لاني ارتبكت وماعرفت ارتب افكاري وجاتني حالة بكا وكلو من كلام البنات الله يهديهم ...
تصحيحها دقيق..ماترضى بأي كلام ومعقدة
والاختبار التاني من كتر الخوف جاني مغص وماقدرت ادخل الاختبار
بس الحمدلله الاعادة والفاينل حليت مرررررة كويس وجبت علامات عالية ..لاني حطيت ثقتي بربنا ثم بنفسي واجتهدت وجبت درجة مرة كويسة
بس والله مسز سهام رائعة صراحة في الشرح .. واسئلتها مكرررة وشاملة للمنهج
ونصيحة لاتعتمدي على كلام الملزمة الا لو انتي فاهمة منها مزبوط
الاطلاع على الكتاب مرة مهم ومفيييد ويشرح الملزمة كويس وفيه نقاط مهمة ماهي موجودة في الملزمة
عموما لو حضرتي كل المحاضارات ومافوتي شي وقرأتي الكتاب معاها في الكلاس تقدري تستغني عن قرائته في البيت غير كدا الكتاب جدا مهم