بنات الفكشن مع مس.شادن الحزيم

[ام حمدان]

المشاركة الأصلية كتبت بواسطة little_star_ مرحبا يا حلوه شوفي انا جربت مس شادن في مادتين البراكتم 2 والفكشن والاثنين اخدتهم في الترم اللي فات كنت مره متوتره انها وحده جديده واول مره اخد معاها وفي تخرج اااااااااه شلت حمل كثير ومع كلام البنات كمان الله لا يوريك علي فكره هي تقليديه زي باقي الاستاذات يعني ما تحب اللكاعه والاستهتار من البنات ويبان انها تعصب بسرعه عشان كده بصراحه في بنات يعصبوا الواحد المهم ما علينا لو قعدنا نخاف من هذي او هذي ما راح نعرف نمشي مشي حالك والله انها عاديه جدا انا لو كنت مدرسه و مريت في بعض الاشياء اللي يسواها البنات كنت اكلتهم من العصبيه ههههههههههه <<<<شريره مره علي فكره انا نجي لوقت الماده قبل الاختبار يا ام حمدون هذا سؤال يعتمد انتي تحسي لو فهمتي الروايه وقراتي من سبارك نوت وكانت كتابتك كويسه كمان فو الله اسبوعين كويس في حال كنت متابعها في الاشياء اللي تقولها اول باول في المحاضرات علي فكره في شي حلو يساعد علي الاجابه في الاختبار علي اي سؤال انا اتبعت ها الطريقه علي فكره قرات كل انلايزز لكل شابتر اللي في سبارك نوت وقرات شوي من ايه نوت فصار عندي كم كبير من المعلومات وجاوبت الاختبار بسهوله بس الاسف الوقت ما ساعدني ارتب افكاري لاني انا نوعا ما بطيئه في الكتابه في شي حلو تسويه مس شادن تخلي محاضره شرح وامحاضره الثانيه اسئله وتناقشها معاكم حاولي هذي المحاضره حقت الاسئله لا تفوتيها لو ايش لانها تقريبا شرح للاختبار وطريقته بس مو شرط تجيكم نفس الاسئله نصيا بس علي نفس المنوال والطريقه الله يوفقكم ويعينكم ياااااااارب اي سؤال عن القصص مستعده اقدملكم اللي عندي لان القصص فرش في دماغي نو بربلم استغلوا وقتكم الحين وشوفوا الافلام وتصفحوا سبارك نوت ومع المحاضرات راح ما تحتاجوا اسبوع للاختبار لو كنتوا من النوع اللي عنده اسلوب او معرفه بطريقه الاسيه تحياتي

الله يسعدك ياشيخه بجد طمنتيني
على فكره انا مو مفكره اخذ الماده هالترم بس حبيت اتطمن من بدري لاني بسمع كلام كثير عن مس شادن وحبيت اتأكد واصلا كذا ولا كذا مافي غيرها

فعلا بعض تصرفات البنات تطلع الواحد من طوره الله يهديهم فيحق لها تعصب وحتى لو كانت شخص عصبي ومزاجي مو مشكله نتحملها
اهم شي عندي تكون استاذه تشرح كويس وماتخرج عن الي تركز عليه (اكره المفاجآت )

وغيره مايهم

نصايحك راح اخذها بعينالاعتبار وقت مااخذ الماده

اشكرك من الاعماق ياعزيزتي