6حركات تحبها المرأه من الرجل وهو لايدركها

[Cho Kakao]

مممم ^_^ من وجهة نظري الشخصيه جدا جدا جدا أحس مافي شاب قلبو قاسي ومايعرف يتعامل ^_^ بس الاهم تكون البنوته دلوعه عليه وتحنن قلبو ^_^ وتخلي يحس بمكانتو بقلبها لأنو بالاول والاخر حيكون لها لوحدها فمالو داعي اشوف انو يخبي مشاعرو او يعمل حالو تقيل ^_^

بالعربي البنت هيا الاساس مسلا تجيكي وحده عفشه كدا وماتعرف تتكلم وتجي تقول يللا قول كلام حلو وللا تروح تشكي للناس زوجي مايعرف يقول كلمتين حلوه على بعضهم تؤ كدا انا مره اشمئز من دول الناس

مو لما تجيكي وحده غنج ودلع وكلام سكر وعسل ^_^ واحساس دايما متأجج ^_^ ومرحه بنفس الوقت <عليكي ياشوكولا تعبير حلو
لما هيا من نفسها تكون كدا شي طبيعي لا شعوريا لما يجلس معاها يحاول يختلط بيها ويكون معاها عالخـط <*_*
فإستحاله يبخل بمشاعرو لما يكون معاها خصوصا إنو كتم مشاعرو سنين ويبغى بالطريق الحلال ^_^ اللي هوا الزواج

في ناس احس مشاعرهم حلوه والمشاعر مو مقتصره على الاتراك او الاجانب او مين مايكونو بالعكس

ناس تقول الرجال السعودي دفش مايعرف يتكلم , كيف تبغي يتكلم وإنتي دفشه زيو ؟؟!!!! اشرحولي كيف بس ’

إن شاء الله إيش ماكان لما البنت تجي تفرض نفسها عليه بدلعها وغنجها ودلالها وكلامها الحلو دايما ^_^صدقوني الحياه الزوجيه حتكون خيال لدرجه مافي وقت تقولي طفشانه او مافي وقت تقولي ابغى ابعد عنو او شي

بالعكس لما يكون هوا مره لطيف وزي العسل عالقلب راح ترتاحي وتسير الحياه أكتر حماس مره تروحو وتجو وإنتو طول الوقت بس تهرجو بكل شي بالدنيا بدون ماتحسو ودا كلو بسبب الحب واللمسات الحلوه والابتسامه الناعمه ^_^

يعني بالله رجال يشوف وحده قدامو تبتسملو بكل دلع وحب بالله ماحيعجب بيها ؟؟؟ !!
أكيد راح يدوب قدمها كمان ^_^


دا سار تقرير مو وجهة نظر ههه معليش عالاطاله يارب اكون وصلت اللي بقلبي ^_^

فكرتوني بحاجه مهمه مره أروح أعملها ^_^