المكان بدون شوفك ولا ولا ولا ولا شي.

[حلا حرب]

صار المكان بدون شوفك ولا شـي
حزين..يوحـي بالملـل والكـأبـه


انته له الافراح والانـس والضـي
وانـت لنفسـي عونهـا والمثـابـه


ما عوضك يا صاحبي في البشر حي
خلـق حميـد واحتـرام ومهـابـه



وقتي بقربـك فـي تفاريـح وغـي
والعمـر يتجـدد بشوفـك شبـابـه



ان غبت عني تظلم الـدار والحـي
وان غاب غيرك ما عسرني غيابـه



انـا بدونـك زهـره مالـهـا ري
بيـن الهشيـم وتستغيـث بسحابـه



مصفـره الاوراق مقطوعـه الفـي
يبكي لها سيـح الجنـوب وهضابـه



النار تكوي ضامـري يالغـلا كـي
والفكـر متشتـت وفاقـد صوابـه



لان المكان بدون شوفـك ولا شـي
يسكـن زوايـاه الملـل والكـأبـه




قريبه لقلبي

فأحببت تشاركوني قراءتها


للشاعر: سالم سيف الخالدي