مزحلي ،، جدلي !!

[RHF]

السلام عليكم

بادخل في الهرجة على طول ،

مزحلي جدلي

تقريبن اغلبكم عارف المعنى دا

لمن الواحد يجي يسوي دمو خفيف ، ولا يسبك ويغلط عليك ، ويقول كل اللي في نفسو بعدين يرميلك ضحكة و يسوي يعني انو بيمزح، وهو يكون قاصد الكلمة صح

//

كمسال للتوضيح /

تكون قاعد يجي صاحبك يقولك ، ياخي حاسس دمك مرة تقيل

وطبعن انتا حتبحلق عيونك و تنصدم ، ايشبو دا يقول كدا ؟

ولمن يلاقيك مصدوم و مستصيب ، يقولك :

ههههههه وي ايشبك ؟ ترا بمزح معاك !!

//

مسلن ، بنت تقول لصاحبتها ، هههههه ترا طفشتيني كل شوية داقة عليا كانو ما عندي شغلة غيرك ،

وطبعن البنت حتتضايق انو ليه صاحبتها بتقولها كدا بالمزح ؟

ترجع تقولها : وي ؟؟؟ معقولة تزعلي مني ؟ يعني كانك مو عارفة اني امزح ، !!

//

او مسلن

انتا يا ولد ، كل يوم داق على صاحبك يجي يمرك وتخرجو مع بعض ، يجي يقولك ياخي مو معقولة كل يوم انا الي امرك ؟

، حتقولو : معليه ازا انا تقلت عليك ... الخ

يقولك / افااا دي اخرتها ؟ هههههه مسوي ما تفهم في المزح ؟

/////////////////

طبعن في امسلة تانية ، كإنو يجرحك ، ويضايقك ، يسبك ، يرميلك كم كلمة تسم البدن ، ..

///

دا المقصود بمزحلي جدلي ، وتقريبن اغلبنا ، او كلنا صادفنا المواقف دي ،

لاكن السؤال ، ايش حتتصرف ؟؟

الصراحة انا ياما سارتلي ، بس مني فاكرة موقف محدد ، المشكلة كل مرة استصيب فعلن ،!!!

يعني ازعل مسلن ؟ اصرخ ؟ اضارب ؟ اقولها ترا انا عارفة انك قاصدتها ؟؟ وولا اطنش الموضوع واسوي نفسي بلهة و اعتبر اني صدقت مزحتها الضعيفة ؟

كمان الواحد يحس قلبو عورو ، يعني اللي عندو شي يقولو على طول ، ليه لازم حركات النص كم دي هههههههههههه

//

ازا حصلك موقف زي كدا ، قولنا الموقف ، وقولنا ايش كان تصرفك ؟؟
وازا ما حصلك الموقف ، اتخيل موقف ، وجاوب على اساسو ,,

راااهاااف