همســـــة في أذن المتزوجااااات "خاص جداً".... بس البنات يدخلوا

[دلوعه]

مرحبااا حبايبي الحلوين

موضوعي اليوم للمتزوجــــــ ــــــات ..
وما يمنع يستفيدوا العزابيــــــ ـــــــــة

فإذا كنتي عزيزتي تعانين من شخص صعب المراس ،، سيء الأخلاق ،، بصاص للبنات ،، سريع الانفعال ،، سطحي التفكير ،، مزاجي الطباع ،،
بالمختصر ما يشبه فتى الأحلام ،،
فاتبعي الخطوات التالية ولن تندمي

أول ما يرجع من الدوام ، استقبليه بكل ود وترحيب ،، هذا طبعا بعد ما تكوني مجهزة الغداء السنع ، ومبخرة البيت ، وتكوني على سنئة عشرة

طبعا خلي استقبالك له كشخة ، قبلي جبينه وقوليله : الله يعطيك العافية ،وما يضيعلك تعب ... ألخ .
وتكوني مجهزة مسبقاً ماء دافئ مو حار ( بلاش الإجرام ) وملح
دلكي رجليه برفق وحنيــــــة ، خليه يحس انو سي السيد وانتي جاريته
(صدقيني أنو راح يقدرلك هذي الحركة أكثر من أي شي ثاني )

وتكوني كمان مجهزة مسبقاً (كل شي مسبقاً مو لما يجي علشان يعرف أنك سنعة وتعرفي تديري وقتك بنجاح )

المهم جهزي الحمام ، مشغله السخان ،،، ومعبيه البانيو ،،، وفقاقيع ،،وحركات جديدة ،،وما يمنع تدخلي معاه وتدلكي له ظهره بعد يوم داوم مرير..

بعد كذا يا ستي ..
جيبي هذاك الغداء اللي يرد الروووح ،، وخلي العين تشبع قبل البطن ،،ولقمه منك ،،والثانية منك ،،والثالث برضو منك ........ إلى ما يخلص الصحن

خلاص الأفندي شبع ،،، دحين لازم يهضم اللي دفسه ،، إذاً مالك إلا شاي خاص جداً ،، هذا الشاي بس لحبايب قلبك ،،، وأكيـــــد مافي في قلبك غير زوجك
هذا الشاي يا ستي اسمه " رويال كلوب " .... خليه ياخذ كوبين ..ثلاثة ... وما في مانع يمزمز على الرابع ...
وإن شاء الله ما تشوفي غير غبــــ ـــــاره على الحمام ،،،
.
.
.
أما إذا كان زوجك من النوع الدلخ اللي ما يفيد معاه شي ،،

طبيعي بعد الغداء حيروح ينقبر في سريره ... لا تنسي هو دوبه مستحم ،،، فلا تضيعي الفرصة على نفسك
بعد ربع ساعة أعملي اقتحام بري على الغرفة
ولا يردك غير التكييف وعلى أبرد درجة
"" خلي البرد ينخر عظمه نخر ""
.
.
.
أما انتي فبعد المجهود الجبار ،،، مالك إلا كأساً من الكولا المثلجة
لتطفي لهيب اليوم الشاق
.
.
.
هذه بعضاً من بنات أفكاري ،،والزقردية فيكم اللي تسويها تبشرني
ومالها إلا اللي يرضيها

واللي عندها أفكار جديدة،، تزودنا فيها ،، بس ما نبى شي يديننا ويلبسنا تهمة



وأخيراً
انتبهوا يا بنات أنا قلت ما نبغى أشياء اجرامية ،،، كل شي عندنا على الناعم


تحياتي لأحلى أعضاء ... في أحلى منتدى