لنستدرك ماابقي من الووقت........ياابطال(ب)

[جيزان]

المشاركة الأصلية كتبت بواسطة سديم الزهراني انا كنت متحمسه ادخل الجامعه ومني صغيره حلمي اصير دكتوره وكنت شطوره ايام التانوي الحمد الله ولكن لما دخلت الجامعه وبدينا دراسه كلها انجليزي شيء جديد علي وبعدين اختبارات تحطمت كل مطلع من اختبار نفسي ابكي واحيانا اضحك لاشعوريا على حالي وكل يوم يمر وتجيني افكار احيانا اقول بسحب واحيانا بروح كليه اهليه واحيانا اقول بحول ادبي بس مشكلتي ان انا انسانه محفظ ومحب المواد الادبيه وهذا حالي احس كل حاجه مقفله بوجهي خاصه بعد معرفت درجتي بالاحصاء اللي كان عندي اسهل ماده حليت فيها ياربي كيف المواد التانيه الي محليت .ابغى منكم حلول لحالتي الصعبه ادري طولت الموضوع بس هاذي معاناتي . "الحمدالله على كل حال "

ههههههههههههههههههههههههه تصدقي انتي جالسه تتكلمي عني انا السنه اللي فاتت
شوفي اختي حبيبتي انتي والله كنت مثل حالتك ,,, اقولك حاجه تخرجت من ثالث ثانوي بنسبه ( 99.22) وفوق هذا مدرسه حكوميه اسألي عنها 90 الثانويه مدرسات انسي حاجه اسمها تأشير وحذف ,, استاذه الفيزياء كانت كل الكتاب معانا واستاذه الرياضيات قالت بعطيكم ملزمه وياليتها ماجابتها اكثر من الكتاب بكثير وكنت احب واعشق واستمتع وانا احل التفاضل والتكامل في الرياضيات لدرجه والله انو عايلتنا كلها عارفين اني انا اشطر وحده وفوق هذا اخذت في اولى وثاني وثالث ثانوي في ماده الفيزياء 100 من 100 وترشحت على مستوى جده في اختبار تحصيلي لماده الفيزياء وكانت ثانويه عامه ايامها والله والله والله اني كرفت ياقلبي كرف ماايعلم فيه الا ربي تخيلي تحصيلي + قدرات + خايفه قبول من الجامعه + اختبارات الثانويه العامه + اختبار تحصيلي تبع الفيزياء
وفوق هذا كللووو والله طلعت الثانيه وتكرمت وقالوا لي عشان تصيري اعلى واعلى ترشحتي على دبي بس طبعا اهلي ماوافقوا ومااحد فاضي يروح معايا

المهم كنت متحمسه كثير للجامعه واسمع واسمع انو التحضيري صعب وكرف وضغط وكتب كبيرة و و و طبعا انا استغفر الله سويت ذنب كبير كنت اجحد فضل الاستاذات عليا في الثانوي لما كنت اشوف نسبتي عاليه واقول انا اصلا شاطرة وممتازة سواء كانوا يشرحوا او ماايشرحوا ( كنت اقول انا هالدرجات اجيبها بشطارتي مو من شرح استاذاتي ) وفعلا دخلت الجامعه وطبعا اهلي وجماعتنا كلهم حاطين في بالنا تخصصي ( طب بشري ) والله والله والله اخررر كليه كانت في بالي كليه العلوم وخصوصا احياء كنت في الثانوي اقول اذا مررررة مرررة نزل مستوايا علوم طبيه
المهم ياطويله العمر دخلت التحضيري وكانت لغتي للأسف جدا جدا ضعيفه او بلاحرى مااعندي لغه
كنت شاطرة فيزياء ورياضيات وكييمياء وبعد احبها لاكن لغه كنت صفررررر
وبدأت من خطه أ طبعا حاسب واتصال سهاله كانت حلوة بس فيزياء + رياضيات مرررة زفت
وسبحان الله ربي عاقبني وبلاني بدكتورات اسوأ دكتورات في الجامعه وكنت لسا جديده مااعرف شي اسمه تحويل بين الشعب !!
وسويت غلط اكبر واكبر روحت عند مدرسه خصوصيه ( المفروض انه انا امسك الكتاب وافهم نفسي بنفسي ) لانو تقريبا كل شي معاد من الثانوي
بس انا شفت خصوصا كتاب الفيزكس مرررة خفت والله كنت اترجم المقدمه بعد !!!
شفتي غباء اكثر من كذا !!!
اصلا مااكنت اعرف ايش اذاكر وايش اخلي ماادري ايش المحذوف وايش اللي معانا وعايشه في حاله قلق مو طبيعيه وخوف صرت ابكي 24 ساعه ومن جد اشوف نفسي في نزوول مستوى مو طبيعي
مشيت مع الخصوصيه اللي استفدته منها انها كانت تترجم بسسس
وتنازلت عن الطب قلت خلاص علوم طبيه او تمريض وجلست اقرأ كثير عن العلوم الطبيه ومرررة عجبني

جات اختبارات الدوري الاول كان اول اختبار رياضيات يوم الاحد بتاريخ 26 شهر 11 الساعه 8 الصباح ماانسى هاليوم ,, داخله الاختبار وانا مذاكرة تمااام اصلا كنت افهم البنات + المنهج تافه ومعاد من الثانوي
اشوف الاختبار وجلست على المساله الاولى تقريبيا ثلث ساعه يعني 20 دقيقه شوي اسمع المراقبه قالت خلاص ساعه ونسحب الاوراق منكم ,,, انا وقتها لحقت على نفسي اشياء حليتها واشياء ماحليتها
واخذت 19 من 30 واحمد ربي كثييييير على هالدرجه لانو فعلا اعلى بنت كانت 24 من 30 وكل الدفعه درجاتهم زفت واخر الترم 50 في الميه رسوب والباقي نجاح ع الحافه طلعت انا منها ب 62 من 100 وخسف معدلي ابو الخسف وفعلا كرهت هالماده من اعماااااااااااااق قلبي ( مع انها كانت احلى ماده عندي )
ويوم الثلاثاء كان اختبار الفيزكس وكان الاختبار مرررررة سهل وحلو وكل البنات ماشاءالله فل مارك وانا اخذت 21 من 30 مرررة انقهرت وتحطمت وقلت خلاص بحول مسار اداري وادخل حتى لو تاريخ وجغرافيا عاادي خلاص ماهمني اهم شي اخرج من هذ الهم والغم لاني كنت احس حاجه كابته على قلبي حتى ماعاد اقدر اسولف واضحك خلاص ( السنه التحضيريه عكرت مزاجي )


بس اهلي جبروني اكمل مسار علمي وقالوا لي شوفي معدل الترم الاول واذا ماعجبك خلاص حولي اداري وكملت الترم الاول واخذت في كل المواد درجات حلوة ولاكن رياضيات 62 ومن جد خسف بمعدلي واخذت موزون في السبعينات يعني تقدير جيد
طبعا هالموزون يدخلني حاسب او ادارة واقتصاد ( يعني انسى حاجه اسمها تخصصات صحيه )
قولت في نفسي خلاص حاسب حلو او ادراة حلو كمان ,,,,وراح اكمل دخلت خطه ب اللي اسمع عنها صعبه واخت في الاحصاء والاحياء a والكيمياء +b والله معدلي 4.56
مرررة ارتفع معدلي ,,,,


ودخلنا على الرغبات نص الترم الثاني واستخرت بين حاسب او ادارة ارتحت اكثر للحاسب حطيته اول رغبه والرغبه 4 كانت كليه العلوم مررره ماتوقعت اني ادخل علوم
وجاء يوم 28 شهر 8 الساعه 3 الظهر طلعت التخصصات طبعا نزل علوم
مررررررررررة انقهرت وقلت خلاص سحب وراح اعيد التحضيري من اول مع دفعه 12 بس مافي امكانيه لازم احسب ملفي من قبل 3 شهور ,,, وكملت علوم ودخلت احياء وفتح تخصص جديد هندسه وراثيه ومرررة مطلوب خصوصا في الطب الجنائي والمستشفيات
والحين والله ياحبيبتي من جد عرفت حاجه مهمه ( عسى ان تكرهوا شيئا وهوا خير لكم )
هاللحظه والله احمد ربي كثييييييييير اني ماانقبلت حاسب لاني حبيت التخصص من قلبي ولاافكر بالتحويل ابدا من هالكليه ( واذا بحول بعد سنه علوم طبيه ) لاكن احول بعد ترم حاسب او اداره مستحييييل لاني اكتشفت نفسي انا مااحب اتعامل مع اجهزه وبرمجه ,, وانا ماافكرت بميولي وابداعي وين راح يكون

الخلاصه ( خلاص ربي اختار لك تحضيري علمي خلاص كملي شدي حيلك )
واي احد فيكم من خطه ب او خطه أ للفيزياء وحاب اني اساعده في طريقه مذاكرة او اي شي انا تحت امركم

سوري على الاطاله