اللي أخذ مادة ie200 يتفضل هناااا

[rival soul]

من ناحية الاختيار ماتقدر هما بداية التيرم علقو اوراق عشان تعرف الشعبة حقتك ومكان المحاضرة ودكتورك يجيك وخلاص ...المقيم تبعي كان اويس الهاشمي وكان تمام وطيب واسمع بواحد اسمو رمضان يقولو افضل مقيم ...

نرجع للمادة
1الشرح: طيب دكتورك حيشرحلك كل شي في البداية الاساسيات والتقسيمات وايش تسوي وايش تجيب وكدا وبعدها يبدأ يساعدك في اختيار الموضوع ويعطيك افكار واذا ماعجبك عادي تقولو وتحاولو تختارو موضوع تاني او اذا انت في بالك موضوع وتقولو وهوا يقولك اذا اوكي ولا لا وبعد كدا كل جزئية سواء كتابة مقدمة او نتائج او تجميع البيانات كلها يشرحها خطوة خطوة وانت في وسط الكتابة او بعد ماتنتهي ترحلو يساعدك يصححلك جمل ويبينلك اخطائك عشان المقيم لاينقصك طبعا اغلب الاشياء ناخدها السبت ونسلم الربوع يعني عندك اربع ايام فسهللللة دا بالنسبة للشرح

2الدكاترة : صراحة ماعرف من السيئين وكدا لكن انا مدرسي اسمو عبدالرحيم والمقيم اويس وترا الاثنين مية مية بس ترا عبدالرحيم في التقييم يكرهو لكن كمدرس يشرح مية مية .

3التقييم: انت في بداية الكورس راح يعطوك ورقة و في كتاب المادة برضو في صفحة يبينلك متى راح تكون اختباراتك لانو كل ماتخلص جزئية تسلمها واول شي في واحد كويز وبعدين اول ماتختار الموضوع حتكتب عنه كم معلومة بسيطة وكيف حتجمع بياناتك وحاجات بسيطه و تسلمها ويسألك المقيم ليش اخترت الموضوع وايش حتستفيد وكدا والباقي كلو تسليم بدون اسئلة تقريبا وفي برزنتيشنين خخخخ حبتين يعني وبعدين الفاينل دفينس دا النهائي عليه 15 درجة تسلم بحثك كامل وتجيب الملف معاك لانو عليه 5 درجات لاتخسرها بالنسبة للنهائي لازم تكون بمعلومية كاملة عن البحث يعني يسئلك اسئلة سهلة ولكن مايجاوبها الا يكون واحد سوا البحث بنفسو مو مكتبة او اخوانك او شي فاهمني وبس .

نصائح: 1كمل الملف تماااام عشان تضمن الخمس درجات وترا مرا قليل كلو كم ورقة من اللي تكتبها في المحاضرة وشغلك اللي اشتغلتو طول السنة .

2 الكويز الاول ذاكر تمام عشان تضمن ال5 درجات حقتو مفيدة لاتتهاون.
3 في جزئية او اتنين اللي يسلمها بدري يعطوه بونس درجة خدها افضلك عشان الدكتور قلنا حتى لو باقي درجة وحدة عالنجاح مافي دف في المادة ولا حتى نص فاهمني فاستغل كل شي حتى في جزئية سهلة في البحث اختياري تكتبها انت اكتبها عشان يمكن تستفيد بعدين منها وهيا مررررة سهلة في اخر التيرم تكتبها.
4 لما يسألك اي شي المقيم ووقت البرزنتين خليك متحمس ومبين على طول انو الموضوع مهم ليك وكدا لانهم ينبسطو مرررا ترا وعشان تعطيه انطباع كويس عنك وعن موضوعك

5 اي شي ماتعرفو في الكتابه وقبل تسليم اي جزئية روح وريها للدكتورك قبل لا تسلمها للمقيم.

الله يوفقك وإن شاء الله اكون افدتك واي سؤال انا حاضر ^_^