أذبــــح أدنـــــى ع ـيـــــآآـآل ع ــــــمي ،،~

[nawaf al-Asiry]

بين ترميز الحروف وبين تحريف الرموز
........................ مثل مابيني وبينك ، وانتي ادرى بالغــــلا


كل شي ٍ مايجوز بشرع حبي لك يجـــــوز
........................ لو مدحتي لي ( عِتاب ) أقول والله والحلا


والله اعلم ، لو تولع .. بين ربعك .. والعنـــوز
........................ أذبح ادنى عيال عمي وازبن بقولة : جلا


من يفوز بقلب مثلك .. مايحسد اللي يفوز
....................... بالقصيد وبالرصيد ، وبالمهايط ، بالخــــلا


القناعة كنز يمكن ، بس انا اشوفك كــــنوز
........................ خل ابو كنز القناعه .. ينفعه بين المــــــلا


من عرفتك والمشاعر من فضل ربي تنوز
...................... ارتوى صدر الشمالي من قصيدي .. وامتلا


كل بكرٍ من بنات الفكر في راسي تهوز
..................... شاعرك بلوى قصيد ، ويوم جيتيه ابتــــــلا


كان يفرد بالقصيد وقام يردف جوز جوز
.................... وصار يسبقني عليك الشعر قبل انطق هـــــلا


مالحقني فقر وصف ولاعرف معناي عوز
.................... والغزل من يوم شفتك زال همــــه وانجـــــــلا


كل من وصّف بعود الموز ، عدى وصْف موز
........................ والله ان الموز .. وصفك / بالليانه والحلا


وكل وصف مابعد وصلوه لرضاك .. محجوز
...................... وزعي .. يانور عيني .. مابها بس وولا ..!




:
:
: