ابي اتزوج الثانيه ومتردد

[عمة رفيف]

المشاركة الأصلية كتبت بواسطة خالد9921 هلا ومرحبا يبدو إن الشعب عاطفي وهالمواضيع تاخذ حيّز كبير من الإهتمام ما علينا .. بخصوص موضوع زواجك أخوي ما يخفى إن الجمال من الرغبات المشروعة بالزواج .. ولكن السؤال طالما زوجتك الأولى قاصرها هالشي ليش رضيت فيها كزوجة من الأساس ؟ إذا كنت تشوفها غير جميلة من أول الأمر فـ معناته إمّا إنه تم دفعك دفعاً للزواج بواسطة أقاربك وهنا كان المفروض تكون رجل حازم وما يتم دفعك مثل ما إنت حازم بمسألة الجمال حالياً أو إنك قلت يالله خلنا نعرس وننبسط العملية فيها ... و ... ! وأتمنى من كل قلبي ما يكون السبب الثاني ولو إنّي من خلال طرحك أشك إنّه هو .. ! ثمّن طفشت من هالمسيكينة خاصة بعد وجود العيال وحبيّت تغير المود على كبير يا معلّم داخل هالمره على جمال .. بس أحب أذكرك إن الجمال ماهوب دايم للوحده مصير هالجميلة تخيس مثل ما خاست الأولى بعينك حتمية أنثوية رح تخيس إمّا وزن إما بسبب الولادات إمّا بسبب الكبر بالسن .. الخ وقتها وشو يا بعدي بتطق الثالثة ؟ والرابعة ؟ إذن إنت وقتها زير نساء وخلصنا لازم تعرف شغلة مهمة إن فيه فرق كبير بين الجمال وبين الإهتمام بالنفس والأناقة الأناقة والإهتمام بالنفس مطلب واجب على الزوجة بلا شك وبمقدور كل زوجة إنّما الجمال بالملامح وخلافه هذا شي ربّاني وكان لازم تعرف رغبتك من قبل زواجك الاول وحتى الجميلة يا بعدي تظن إنّها جميلة خلاص بتشتري الدنيا والله يا فيه جميلات تصبّح عليها وريحة فمّها خياس وحالها صعب فلا تتوهم واجد ثم إن الجمال اللي ما شفته بزوجتك .. وين شايفه حضرتك ؟ ما غير شايفه يا بوسائل التقنية أو بالشوارع .. وهاذول كلهم زبالة ما عرضو جمالهم الا وهم أزبل النساء وخذ علم أكيد او أنّك سامع عنه سمعة من ايام دفتر سن توب وبقولك خلك أصنج المسامع ..! أنا نصيحتي لك بدل الأخذ والعطاء مع ناس ما راح يلمسوا النتايج والسلبيات مثلي وشرواي والاعضاء قم لزوجتك وتناقش معها بهالخصوص طبعاً لا تكون جاهلاً بالنساء وتقول لها إنتي مب جميلة شوفي لك حل هنا إنت سببت لأم عيالك نكسة نفسية وشرخ مؤلم راح يتعبها كثير كثير ولكن تكلّم معها بطريقة ذكية إنك محتاج كذا وكذا ... وإنك تحبها ولا تبغى تشوف غيرها ابداً وفيه مغريات بالتقنية وخارج المنزل فلازم تسوين وتهتمين وتجددين لأني بصراحة احبك ولا ابغى اشوف غيرك متأكد إنها لو عاقلة وتستاهل حفاظك عليها كزوجة وحيدة راح تبذل مجهودها ثم تطق لك من هالصبغات والتسريحات والملابس والخرابيط ما تستلذ به عيناك ! بعدين لعلمك ترى إنت شريك بعملية الجمال هاذي يعني ليش ما توديها كل 5 أيام أو ويكند لمحل كوافيير جبار تسوي فيه نيولوك بطل ؟ وتمسك على يدها وفرفرة بهالمولات على افضل ماركات الميك أب والتكشّخ ليش ما تقرروا تعملون عشاء وتمشيات رومانسية مساء الخميس مثلا وكشختها توب ؟ على تجديد بأماكنكم الخاصة مثل غرف النوم وشموع وخلافه والعيال لا تشيل همهم لو إنت تبي فعلاً هالشي راح يتم تصريفهم بسهولة .. وإذا كانت سمينة خطط الرجيم يا كثرها والامور الجسدية الخاصة لها حلول من كريمات وخلافه يعني انا جاي اصك عليك صكّةً جبّارة ! مشكلتك تمر في شي يمر فيه كل الازواج اللي لديهم زوجات من أجمل ما يكون وهو مرور سنوات تشمل أولاد وتغيرات بجمال الزوجة وجسمها وهنا دور الزوج الذكي بصراحة إنّه يعمل أكشن مع زوجته ويجدد حياتهم ويرجعها بنت 19 ماهوب يتكي رجل على رجل ويا جماعة بتزوج ثانية ! ومثل ما قلت لك زمردة الزمان الثانية اللي ببالك كم سنة وراح تخيس دوام الحال من المُحال وثق تماماً مافي مرأه تشوفها جميلة إلا وحتشوف الأجمل منها مستقبلاُ خاصة لو عينك طويلة بالتوفيق الله يسهل أمرك واعقل ياخوك لا تقول 6 شهور وتركد الاولى تراه زمن تقنيات وفتنة وافهم يا فهيم ..

الله وربي كلامك عين العقل وصحيح ميه بالميه
بس عجبني شي من كلامو هع <<سته اشهر وترجع المويه لمجاريها ترا ان صارت بتكون المسكينه ضغطت وضحت ورضيت ترجع عشان عيالها مو عشانك
سبحان الله العالم صاير غريب