خصوصي ce201 .. mep290

[Mr-Ammar]

انا اخدت الاستاتيك...
والله الماده الصراحه لاهي سهله ولا هي صعبه

لكنها تميل للسهوله...باختصار الماده يبالك تركز على اول شابترين وبعد كدا تجيك نفس الاساسيات مع زياده في الافكار في كل شابتر...

بصفه عامه انا ما تعبت الحمدلله في الماده كتير ...لقيت اوراق في مكتبه الوديان حسبتها حقت حسن وحيد لكن طلعت ملخصات كان طالب مسويها والله والحمدلله زاكرت منها ومن امثله الكتاب والصراحه استفدت كتير ودرجتي كويسه الحمد لله ..

الماده مايحتاجلها خصوصي "بالنسبالي" لوركزت مع الدكتور ورجعت البيت فهمت الافكار صدقني ما تتعب فيها ... ماهي ديك المعقده الي ما تنفهم...

يعني الشابتر الاول كيف تكتب القوى على شكل متجهات "التحليل والاسقاط والزوايا" >>سهل تافه واساسي في كل المنهج
بعد كدا يجيك الضرب القياسي >> بصراحه درس اخدناه خمسين مرة وفي كم ماده
الشابتر التاني عن الاتزان ومجموع القوى يساوي صفر وتحل ... برضو سهل
الشابتر التالت شوية فيه شغل لانو طويل وافكارو طويلة..عباره عن العزوم ومرة مهم بصراحه ولازم تفهمو
الشابتر الرابع كان عن الاتزان برضو بس بطريقه تانيه وهو نصو سهل ونصو شوية فيه عك لكن برضو لو فهمتو مزبوط صدقني ما تتعب فيه مرة ..يمكن يعيبو انو الحل طويل فيه
الشابتر الخامس هو عن موضوع اسمو truss and members ...ما ادري ليه الطلاب ماكان يعجبهم مع انو كل مافي الموضوع انك تحلل زي تحليل نيوتن في الترس والممبرز نفس شابتر 3 و 4 مافي اي شي جديد ابدا..


بالنسبه للفلويد ما اعرف عنها لسى مااخدتها

بالتوفيق