بنات الي تخصصوا تغذيه هلمووآآآ

[mo0oka]

السلام عليكم
اول شي حاولي تمشي عالخطة عشان تخلصي في وقتك وما تتاخري وتتعارض معاكي المواد وتحوسي
ثاني شي انتي دحين لازم تاخدي اسس تغذية عشان هي متطلب لمواد ثانية والمادة سهلة بس يبغالها مذاكرة وهي الاساس في تخصصنا تتكلم عن الكربوهيدرات والبروتينات والدهون والاملاح والفيتامينات ومعلوماتها حلوة وطبعا اللي يديها دحين الدكتورة رفيدة خاشقجي بالانجليزي مره هي حبوبة
ثاني شي الكيمياء العضوي سهلللللة جدا وغالبية البنات ياخدو a+
اما احياء دقيقة مع دكتورة رباب ما ابغ اخوفك بس المادة غلسة يبغالها مذاكرة اول باول وهي بالانجليزي طبعا
المفروض انك تاخدي دي المواد عشان تمشي

اما عن سؤالك عن صحة فرد دي المادة معلوماتها بسييييطة وفي الاختبار لو قريتي الكتاب قراءه تحلي وسهلة بس اللي يطفش فيها تكاليفها مرررررره كتيييير

انا اشوف لو تاخدي ال3 مواد اللي في الخطة وتحطي معاها عربي وثقافة سهلة وبس

ومعليش طولت ان شاء الله اكون افدتك