it ولا cs

[No`3a]

المشاركة الأصلية كتبت بواسطة نارات والله داخله بس منتدى السي اس بدي أسأل عن شي مره مختلف وانا طبعا اي تي .. بس مره حلو انه ادخل عشان اقول راايي بكل صراحه وكل صدق وأصحح بعض المعلومات اللي انقالت .. أنا ولله الحمد اختياري بعد توفيق الله كان موفق .. وعن خبره للاخت السائله استخيري الله عزوجل قبل كل شي وبعدها اسمعي كلام طالبة ولله الحمد اخذ الامتياز في اغلب موادي .. الاي تي شووور انه مطلوب اكثر من السي اس ودي كلمه حق أقولها . لاهو عشان قسمي ولا عشان شي .. وانا ما اقولك دا الكلام الا لاني حصلت لي ظروف وكنت المستوى السادس حأحول لسي اس ورفضو مرشداتي بشدة .. وقالت لي المرشدة هذا الكلام وحأحطه لك هنا في المنتدى : "من وجهة نظري ان كل اقسام الكلية فيها شغل ومشاريع وتعب ولو رحتي لاي قسم ثاني ابدا ماراح يكون اسهل او اخف في الواجبات والمشاريع اقولك هذا الكلام وانا متأكدة من وضع الاقسام الثانية ،، هذا اول شي، ثاني شي قسم السي اس دفعات كثييييرة اتخرجوا منه لانه كان هو القسم الموجود من قبل ماتتنشئ الكلية(من حوالي ٢٥ سنة) لكن قسم الاي تي يعتبر جديد وفرصه حلوه ان شاالله، طبعا انا اقولك هذا الكلام مو عشان اقنعك،، لا ،، لان الخيرة مايعرفها غير الله،، بأقولك كذا عشان اوضحلك مميزات القسم اللي انتي فيه واللي غالبية الطالبات بيطلبوا يتخصصوا فيه .." هذا كان كلامها وأضافت عليه المرشدة الثانيه للدفعه معاها نفس الكلام .. يعني ياقلبي القسم من ناحيه مطلوب وافضل من السي اس هذا مافيه مجال للجدال .. وأأكد كلام الاخت اللي قالت انه الدكتوره اعتماد وأميمه وميسون اللي ماسكين مناصب هما سي اس هذا للاسف يا أختي لانه الكليه زمان ماكان فيها الا قسم سي اس وكان من قبل بدأوه كشعبه رياضيات وخوارزميات في كلية العلوم وهذا كلام دكتوره سحر شبانه .. وقسم الاي تي يا أختي نحظى فيه بمجالات كثيرة اذا ماعجبتك مادة فيه الا وماحتعجبك الثاني : عندك داتابيس وهذي مطلوب في كل اللقطاعات اذا ماكنت مبالغه ولذلك اغلب الدفعه هذا التيرم اختارت مسارها داتابيس واضافت ماده 340 وح يأكدولك اللي طبقوا في قطاعات مختلفه انه أغلب اللي كان مطلوب هوا داتابيس .. عندك سيكيوريتي وعندك ويب وهذا أروع مافي الاي تي اننا ندرسه بتوسع .. عندك شبكات ..وهذا أعمق مايكون في قسم الاي تي وتأكدي بنفسك .. عندك أناليسس .. وللاسف أختي أحب أقولك انه البرمجه في قسم الاي تي أكثر من اللي في السي اس لانه كل الديزاين اللي بنعمله هوا عباره عن أكواد ..فالجرافيكس اكواد .. الويب اكواد .. مواد البرمجه المتقدمه والسوفت وير برضو اكواد ..وكل لغات البرمجا الاساسيه زي 202 و 203و204 حتدرسيها سواء كنتي اي تي او اي اس او سي اس .. ودا السبب اللي خلاني أرد عل موضوعك .. لانه طاالبات كثيير من دفعتي اختاروا اقسامهم عل اساس سي اس=برمجه .. واي تي = سهل غيري الفكره تماااما ولو تبغيني اسرد لك المواد اللي كلها برمجه حأسردها ..مافي تيرم عندنا يخلو من اقل من مادتين برمجه .. ولا نقدر نحفظ أبدا أبدا شي محنا فاهمينه في المواد اللي ماتحتوي عل اكواد القسم ماااهو حفظ أبداااااااااااا .. ولا يساوي حوسبه ابداااا.. هذا الحفظ ممكن الشي اللي يشتكوا منه بنات الاي اس واللي اغلب موادهم بسنيس قسمنا والله العظيم فوق التسعين في الميه منه فهم .. بس أحب أطمنك انه استاذاتنا نوعا ما كويسات .. وفي مواد ح تنبسطي فيها .. وحقيقي اذا ماكانوا شرح .. ح يكونوا لك أخلاق بالدرجه الاولى .. أنا ما انفي اني مو تعبانه في القسم .. بالعكس نتعب كثييير .. واللي يزيد تعبنا عن السي اس انه مشاريعنا وتطبيقنا بالطبع أكثر وهذا شي يقروا بيه حتى استاذاتنا .. لكن اذا استخرتي الله عزوجل وارتحتي لل اي تي .. ثقي تماما انه اختيارك موفق وعمرك ماحتندمي .. وطمنيني بعد دا الكلام عل ايش استقريتي وربنا يكتب لك الخير ..عل فكره التحويل من اي قسم للاي تي ماهو سهل لانه دايما طالبات الاي تي يكونوا كثير فعاده يرفضوا التحويل للاي تي .. ويقبلوه بالراحه من الاي تي لاي قسم .. وكمان صديقتي دخلت اي اس وجات اول يوم تبغا تحول اي تي ورفضوا .. فأخذت تيرم في الاي اس ورجعت حولت اي تي واهي مبسوطه .. اي خدمه اختي واي طلب في الاي تي انا متواجدة .. واسفه عالاطاله واذا تبغي اسماء مرشدات دفعتي حتى تستفسري عن اشياء حأحطها لك ..

ششكرآآ نآرآت مرآ أستفدت من كلآآمك كثثير و مرآ أعطآني دفعآت معنوية كبيرة من جد كنت محتآجتهآآ