~||$ كَلِــــــــمَةٌ ,, فِــــي ,, البَـآل .. وَ نَظَرهةٍ إلَــىَ آلْسَـــمَآءِ $||~

[دافئ الإحساس]

	قصة ابدآآآع نصيحة اقروها هي عبارة عن 10 اجزآء .. .............. الجزء الأول جاء خطيبي كـــ اي شاب جاء يخطب اهله كلموا اهلي سالنا عنه ووافقت تحدد الموعد المحدد وتزوجت .. انتهت وبدت قصة عنآآي ! كنت اشوف زوجي شآآرد ذهنه يسرح كثير .. كلمته يتآخر حتى يرد علي والا يقول : هااااااه !! خمنت ان ورى زوجي سالفة ماهي بسيطة يعاملني عادي جدا مره من المرااات كان كالعاده مستلقي وشارد ذهنه ... ناداني قال : ميــــــــعاد طالعت فيه قلت: ميعاد ؟ من ميعاد !!! قال: هاااااه لا لا ولاشي وحااول يغير السالفة وانا الدم اللي بعروقي نشف هذا اللي كنت خايفه منه زوجي بحياته انسانه غيري ! طيب وانا وش خانتي بحياته لي تزوجني ؟! كانت اساله كثيره تدور براسي خليته لين جاء بالليل جات عيني بعينه وعلى طول دموعي نزلت: ليش تخونني ؟ قال: سالفـــــــــــه طويله وانتي الحين صرتي زوجتي ومالك بالماضي وقفلي ع الموضوع قلت: طيب ماضيك مالي فيه لاكن لا تخونني ترى اكثر شي يوجع المره ويجرحها من زوجها الخيانة ! مارد كتبت له مسج : الى نصفي الثاني كان وقع طعنتك علي مؤلم جداً وعمق جرحك بـــ صدري موجعاً جداً ! ورغم ذلك مددت يدي لك ليس احتياجاً او ضعفا ً بل لاني ادرك ماذا تعني كلمة [العفو عند المقدرة ] طنشت السالفة وتناسيتها بمزاجي والا انا مانسيتها بعدها بفتره كان طالع بالصاله مو جايه نوم حسيت فيه استنيته طلع وبعدها بربع ساعة تسحبت وطلعت واسمعه يكلم كان يقول : والله يا ميعاد شيبت وانا بعز شبابي لو تشوفين شعري شيب من الهم ميعاد انا احبك وابيك وابي اتزوجك .. انتي عارفة ان زوجتي تزوجتها عشان انسى بنت خالي ويوم حبيتك نسيت بنت خالي ونسيت زوجتي ابيك انتي !! كنت مصدووومه اسمع وكأني في عالم ثاني طيب ليه يازوجي تسوي فيني كذا انا استاهل منك كذا !!! رحت لميت كل عفشي ورحت له قلت منت مجبور تحبني ولا مجبور تعيشني معاك وانت ما تحبني بس الظلم انك تعذبني وكأن ماعندي احاسيس ولا مشاعر وربي لو كنت اعرف ان بحياتك انسانه ماكان خذتك ترى الزم ماعلى الوحدة الا كرامتها وانا بحفظ اللي بقى لي من كرامه معك وارووح .. قال: لحظة خل نتفاهم خلاص بسوي اللي تبينه بس لا تروحين يتبع ...