استفسار بخصوص الصيدله و طب الاسنان بلييييز مساعده =(

[THE HILL]

يـــــــــــــــــــــااااااااااااااااااارب أكتب اللي فيه الخـــير وحققــلي حلــمي

أهـلآ ,, آمـــين يارب والله يحققلكـ هوا ^^..

دحين صحيح أكتر كلية فيها كرف هيا الصيدلة ؟؟؟

شوفي بصدق بدون مجاملات " احنا خارقين ما شاء الله ومع ذلك ما نتشكى "
الكرف في الدوام صراحه وخصوصا سنه ثانيه عشان كاول سنه تاخذي فيها معمل فراح تطولو فيها واحتمال تخرجو 5 بس اسابيع وتتتعودي وتخلصي قبل الكل

انا مايهمني الكرف بس ابا اعرف كيف المواد وكدا

عندنا ماده بـ 12 ساعه اذا ضمنتيها اضمن لك باذن الله معدل مو فوق 4.5 معدل فوق 4.7

الماده هذي مو صعبه واللي يقولك كذا مع احترامي " كّذااب "

هيا الاورقنك والاناليتك " عضويه وتحليليه "

الاورقنك يبغالها شده حيل وانك ما تركينها جنبا الى جنب لانو اختبارها بيعتمد ع معادلات وبعض الرياكشن اللي فيها " كميتهااا كبييرة " ..

الاناليتك سهله وحلوة بس مع دكتورة اميمه "

والمواد صحيح انها جدا طويلة ومانقدر نخلصها ولانختم زي التحضيري ؟

انا سمعت زيك قبل كذا " لا تقدري بس في حاجه مهمه
انتي لو ركزي ع كل ماده وحتمسكي كل ماده اول باول دا شي مستحيل ليش ؟؟ كذا انتي بتضيعي راحتك وحتلاقي نفسك كرهتي الدراسه
الاتزان حلو
بعض المواد ما تحتاج تختيم قبل الاختبارات لانو جدول الاختبارات لكل ماده تقريبا من 3 ايام وتوصل لـ6 ايام تذاكري فيها


بصراحه فيه مواد ما تحتاج تتركن

المواد تختلف من شخص للثاني بس اللي غالبا يهتمو فيها دي !!:
اورقنك " كميتها كبيرة لو راكمتي وراكمتي حتنصدمي ليلة الاختبار "
بايوكميستري " ماده جدااااا خطيرة وحلوة ورهيبه ما تتركن ليش ؟ لانو مواضيعها مترابطه واختباراتها وكويزاتها وعشان تقدري تسالي الدكتورة عن كل شي .. راكمتيها حتشوفيها طلاسم ليلة الاختبار
فيزيولجي : للاسف الماده دي اهملت فيها الترم الاول واغلبنا اهمل فيها " وحناخذ ع راسنا عشان نفهمها ف سنه ثالثه لانو عندنا فارماكولجي وحنستفيد من الفيزيولجي بشكل كبير "
دي الماده فهههههم بحت وممكن يساعدك اليوتيوب فيها

طبعا انا ماابقارن التخصص بالتحضيري بس خايفة معدلي ينزل اقدر اجيب فوق 4.50 في الصيدله

لا تقدري ,, بس تنسي اجتهاد التحضيري ,, في التخصص اهم شي تفهمي
تخرجي فاهمه بمعدل عالي
او تخرجي فاهمه بمعدل واطي
احسن بالف مررة بانك تعتمدي ع شيتات وانتي مو فاهمه ومعدل عالي
> ان شاء الله وصلت الفكرة خخ


ولا تنصدمي بعضنا جلس شهر في الكليه وهوا يبغى يحول مع الرغم انو برغبته " انا لبدايه الترم الثاني وانا تجي وساوس اني احول بعدين هجدت وقلت بلا جنان والله حبينا الكليه وتعودنا ع ضغطها "

مو عشان مواد بس احس نفسي ما تأقلمت لا مع المكان ولا مع البنات
ف النهايه الحمد لله لو ع رقبتي ما افكر


بس يمكن تحسي فيها فحبيت انبهه عشان لا تستسلمي :)




كثرت كلام بس انتي خذي المفيد وارمي الباقي