[.. ما أشبهَ اللّيلةَ بِالبارِحة ..]

[Aishah AL-farhah]

لأني مسلولة على قولتها ( مسلولة + انسليتِ ) يعني نحيفة كثير ، حشا سيف أنا مب آدمية

شيء غريب وعجيب ، أحس إني عكس العالم أنا
أيام دراستي والدوام كان حالي أحسن شوي شوي بس
كنت آكل أكل طبيعي ، ثلاث وجبات باليوم ، صح الوجبة نفسها ضئيلة لكن على الأقل ثلاث مرات
فطور في الجامعة ثم غدا بعد العودة من الجامعة ثم عشاء
يمكن لأني كنت أبذل مجهود ذهني وجسدي ، صارت حاجتي أقوى للأكل والوقود
بس من بعد ما تخرجت ، صرت يالله يالله آكل وجبة واحدة باليوم ، وإذا زوّدت شوي فممكن وجبتين
لكن يجي عليّ يوم تكون شهيتي مفتوحة عالآآآآآآخر ، وأكثثثر بوجبة وحدة ، كأني أعوض هالمرة عن كل مامضى

هذا كله غير أمر غريب ، اللي هو إني صرت أحس إن معدتي تقلص حجمها
وصارت طاقتها الاستيعابية أقلّ ، يعني قليل من الأكل يشبعني ، وشوية زيادة تشعرني بالثقل والتخمممممة
كنت أفكر إني واهمة وإن معدتي هي معدتي ، لكن نفس الشيء صار مع وحدة من قريباتي بعدما استمرت سنة على ريجيم
صارت تحس مثلي إن طاقة معدتها الاستيعابية أقلّ من أوّل ، وتشبع بسرعة

المفروض أكون أنحف وقت الدوام والكرف ، وأمتن وقت الراحة والجلوس المستديم في البيت
المهم إني أتمنى ألاقي حلّ ، لو قلت راح آخذ فاتح شهيّة ، فأنا أساسًا أحس إن معدتي ماصارت تستوعب مثل أول
ولو أيقنت إن معدتي صغرت وتقلصت طاقتها الاستياعبية ، فأنا عندي مشكلة عويصة مدري كيف أحلها

نحيفة ، مسلولة ، معصقلة ، بحتِ ، انتهيتِ ، ضعفتِ ، حالك يوووووه
كل هذي كلمات لامفر ولا مهرب منها كل ما جانا ضيوف ، فيه كلمة تحتاج ترجمة بس ماني مترجمة