تجمع الحاسوبين والحاسوبيات المستجدين =)

[asma'a]

المشاركة الأصلية كتبت بواسطة NOJWAN السلام عليكم ورحمه الله وبركاته .. أولا شوكرن ع هذا اموضوع اللي افادني كثير .. بس الى الان احس اني تايه انا من يومي ما اطيق شي اسمو حاسب لدرجه موطبيعه .. ولكن سبحان الله صارت معايا اشياء وافلام وفي كل مره احصل الحاسب قدامي .. واستخرت وان شاء الله يكون خير ليا .. يمكن لو تعمقت ودخلت فيه اكثر حيكون نظرتي غير عن اللي بالي .. اللي فهمتو انا اني ادرس اول ترم حاسب وبعدين اتخصص وارس المسارات ديك صح !! طيب كيف المعدلات المطلوبه !! والفيصليه كيف خايفه منها من المدرسات .. اي احد ينصحني رجاءا !! ومرتاحه منها من حيث المبنى وربي احوس لمن اكون في السسلمانيه .. اي احد في الفيصله يكلمني عن التخصص عندهم كيف وكل شي يريحني يطمني الله يطمنو .. معليش طولت بس والله من الخوف اللي احس فييه والله يكتب الخير لنا كولنا ..

وعليكم السلام ورحمة الله وبركاته

يسعدلي قلبتس ..

لا تخافي ولا حااااجة ..

الحاسب جميل ماشاء الله تبارك الله وحتلاقي نفسك فيه ان شاء الله ..

استمتعي بإجازتك دحين ولا تحملي نفسك فوق طاقتها ..

وتقدري تتطلعي ع دي القناة عشان تاخذي فكرة عالبرمجة ..

http://www.youtube.com/playlist?list...3&feature=plcp

والحاسب مجااال واسع تقدررري تبدعي فيه بإذن واحد أحد ..

وحتدرسي في أول ترم .. أساليب كتابة علمية - احصاء - برمجة 1 - حوسبة ..

وع نهاية الترم حيفتحوو في الاوديس اختيار التخصصات .. والنتيجة حتنزل قريب الترم الثاني ان شاء الله ..

يعني قدامك لسى فترة عشان تختار القسم اللي عاوزاه ..

وفيه شيء اسموو مسارات تخصصية .. دي تعتمد ع 9 ساعات تاخذيها في مسار معين .. والكلية تعطيكي شهادة بدا المسار .. ...

والفيصلية صاحبتي مبسووطة فيها وان شاء الله حتنبسطي انتي كمان ..

ولو عندك أي استفسار احنا بالخدمة

وربي يكتبلك اللي فيه خير ليكي دونيا وآخرة

بالتوفيق ي ستي

دمتـِ بخير

-----------------------

الحمد الله على كل حال

لا ان شاء الله حتنقبلي وتنورينا :$ ..

بالتوفيق

دمتـِ بخير