]| التدريب الصيفي أرامكو 2013 ,*| لـ اِستفساراتكم هنا|*, |[

[Eva160]

المشاركة الأصلية كتبت بواسطة حلم ماضي الله يعين يارب تعب الدوام اول الايام ع ماتعودنا انا اعتبرها فرصه لي واستفيد حتى لو ماكان بمجال تخصص وحتى لو ما عطوني شغل كثير الاحظ شغلهم واجراءات الي يعملونها وهي فتره صيف تعتبر قضاء وقت ممتع مثلكم توقعت شئ بس توقعي كان غير اللهم لك الحمد ولك الشكر

الحمدلله بسمع منكم اخبار حلوه عن التدريب وبتستفيدوا من التدريب

اتمنى زييكم قضاء وقت ممتع يسير لي حياة بعد الدوام ^ـ^"

نهاية الدوام اسير مهلوكه لدرجه يسير لي نسيان انو انام بالباص وانسى اوراق شغلي "اللي لازم اكملها بالبيت" بالباص لما اخرج من الباص وعلى طول اروح السكن ، دحينه لازم اتصل على استعلامات الباص وارفع مشكلتي انو نسيت ملفي بالباص "دي التاني مره انسى ملفي" :( ، فترات مااقدر انام من الارهاق واروح الدوام مواصله " في احد زيي يشاركني مشاركه وجدانيه"

اقدر اقول كمانه انو قلبي طاح على اول اسبوع التدريب انو المفتاح ضاع مني وانا متأكده ماخرجت من الدور اللي انا فيها كنت في غرفتي وغرفة صحبتي بس، ازا ضاع المفتاح لازم ندفع غرامه و يكفي انو العام الماضي انو انا كنت انسى مفتاح الشقه بغرفتي واقفل الباب على نفسي والنهايه اكتب تعهدات ، المهم قولت لنفسي ايفا اسكتي ارفعي مشكلتك على نهايه التدريب ويخصموا من مكافئتك مره وحده الحمدلله على اليوم التاني طلع انو صحبتي اخدت مفتاحي بالغلط لما جيت اديها شنطتها

ايش رأييك ياحلوه نتقابل ^ـ^" لانو لازم نعمل لك حفلتين "حفلة بمناسبة تخرجك من الجامعه وحفله بمناسبة قبولك بارامكو"