هل تنصحون البنات بالابتعاث للخارج حالياً

[عضوة جديدة]

انا رحت بريطانيا اخذت لغه على حسابي الخاص اقلك منافعها
اولا لو معاكي 50 الف وعرفتي تصرفي فلوسك صح تعيشك 8 شهور في بريطانيا كدوله عملتها غاليه يعني لو دوله ارخص بتعيشك اكثر
ثانيا الدولة نفسها كبريطانيا احسن من غيرها لان شعبها عندهم تقاليد مقاربه لنا في الاداب والاحترام ناس في حالها مافي همجيه , حتى تختلف من مدينه الى مدينه انا كنت بمدينه نفس الحكومة تبتعث الطلبه فيها لان اجواءها مناسبه لاوضاعنا كمسلمين لان فيها مسلمين كثير ومساجد كثيره .
ثالثا ميزه شهاده لغة تخليكي في اي مجال لكي قيمة اكثر واحترام اكبر من غيرك
رابعا التعلم من تجربه االاختلاط بالجنسيات في المعهد تعطيكي ثقافه رااائعه وتغير من شخصيتك
خامسا تعلمك تحمل المسؤوليه بقوووة وتتعلمي اشياء ماتتوقعي تتعلميها بالسعوديه بحكم اعتمادنا على الاب والام دائما
سادسا تقوي شخصيتك وتعلمك تعرفي تدبري نفسك في اهلك الظروف
سابعا تحسسك بقيمة امك وابوك ووطنك اكثر مما كنتي تتوقعين
اما كعلم ؟ اعتقد ماحيفرق عن السعوديه اذا ماكان فيه ممارسه ويمكن بالسعوديه ارخص لك لان ( التدريس واااحد بس اهم شي الممارسه ) والاصدقاء يكونوا يتكلموا انجليزي والا ماراح تستفيدي شيء
وكعلم حتتفرغي صح للمذاكره ولسانك ينطلق بالكلام لكن حيستمر فيكي قلق مش زي السعوديه من ناحيه بعد الوالدين
(من ناحيه الامان) مين قلك اللي على حسابه ما يهتموا فيه الحكومه ؟ اصلا اي مواطن سعودي بالخارج له اهميه والحكومه مسؤليتها تحميه
لذلك انا مع الدراسه بالخارج عشان الشهاده لها قيمة اكبر . باقي الامور حلوووة في حاله لو خليتي وضعك دراسه وسياحه نفس الوقت وحلاوة اكثر لو معاكي اشخاص تحبيهم لان الوحده قاتله هناك خصوصا انهم شعب يقدس الوقت والنوم بدري والمحلات تقفل 4 ونص العصر والمغرب مافي احد الكل في بيته وقتها النت هو يسليكي لو كنتي لوحدك
حيعجبك الاجواء والانظمة والقوانين , وكل ماطفشتي من 8 ونص الصباح خصوصا الويك اند تشوفي العوايل والاطفال صاحيين بالباص يروحوا الى الحدايق تحسي عالم عايشه حياتها صح مع طبيعه خلابه وامطار وضباب
غير الاشكال اللي تفتح النفس هههه والملابس الشياكه وتشوفي كل العوايل بينها حب ورومنسيه .. حتى السعوديين المتزوجين سبحان الله يتغيروا يصيروا زيهم ههههه مو زي هنا نفسه بخشمه من الحر .
مساؤي؟ ماشفت اي مساؤي ولا ضرر وبالعكس المنطقه كنت فيها محد يطالع باحد يعني ماتلاقي رجال ينظر لك الا سبحان الله الخليجين جريئين حتى بالخارج مع ذلك تجاهليه حيخاف ويروح لان الشوارع كلللللللللللها كاميراااات .ولاتخافي ماراح يفتحوا موضوع الدين ويحترموا المسلمين وتلاقي بكل معهد غرفه خاصه للصلاه وسجاده كمان وحتى يعرفوا اننا نصوم رمضان وتلاقين بالعيد يجيبوا ( شوكولاته معايده يوزعوها بالمعهد حتى بعض الاجانب نفسهم لو شافوا مسلم ماهو صايم يعاتبوه ) وتتفاجئي يوم عيد ميلادك يعملوا لك حفله بالمعهد واقل شي تورته يوزعوها .
وحتى لو رفضتي يكون استاذك رجال او تكوني وحدك بصف مع اولاد عادي يراعوا هالشي ممكن ينقلوكي لاستاذه حرمه او جيبوا بنات بالصف . وتلاقي الصف اصلا اغلبه مسلمين من كل الدول حتى كازاخستان .
وانتي تقدري تأثري بالاجانب باخلاقك .. انا قالوا لي اول مرة نشوف مسلمه وعربيه مثلك وعرفت اغير تفكيرهم تجاه المسلمين حتى ان بعضهم غير اشياء من دينه المسيحي وعمل مثلنا واللي بعد نقاش اعترف لي انه مؤمن ان الله مش عيسى وانه مش مثل اهله يعتقدوا عيسى الرب وقدرت ارسخ الفكره براسه و عرفت اجاوب عن تساؤلاته خليته يعجب بالدين ( اهم شي تكوني داسه دين انا لاني خريجه دراسات اسلاميه )
طبعا ماحتكوني البنت الوحيده هناك تلاقين كويتيات سعوديات عراقيات وتصير صداقات معاهم .