باقي 4 ساعات عن اختبار اللغة العربي الرجاء اضافة ردود مهمة

[نايف1]

سآلفة عشـآق }


من بغى الفرقا لقى لـه عـذر واسبـاب ودليـل .. خل عنـك العـذر والاسبـاب دام الحـب ضـاع


كان ودك بالفراق .. ابشر عسى عمـرك طويـل .. لاتـردد وانـت لـك كلمـه ولـك امـر ٍ مطـاع


لـي عليـك انّـك تبّـت بكلمـة ٍ تشفـي الغليـل .. ولك عليّ انـي لأوّقـف وقفـة الرجـل الشجـاع


لاتجاملني مخافة ( قال ) مـدري خـوف ( قيـل ) .. عمر ( هرج الناس ) مايسمـن ولايغنـي جيـاع


كان قصدك ( سر حبك ) .. اوعدك لأصبح بخيل .. واحمل اسرارك معي للمـوووت قـدر المستطـاع


بس قلها ... قل ما احبك ... وابشر بصبر ٍ جميل .. لاتحسب أني مثل مـن طبعهـم لـوي الـذراع !


كم تعلّم مـن شديـد البـدو وش معنـى الرحيـل .. وكم تعلّم من غروب الشمـس وش معنـى الـوداع


وكم تعلّم من سحاب الصيف وش معنـى الحصيـل .. وكم تعلّم من ليـال البـرد وش معنـى الضيـاع


اعتبرنـي فـي بدايـة سكّتـك عـابـر سبـيـل .. و رح وانا قلبي معك من ويـن وجّهـت الشـراع


يكفي اني لاانذكرت فـي سالفـة عشّـاق .. قيـل .. :عاشر احبابه شجاع .. وفـارق احبابـه شجـاع