بعد ما اجبرت على شكسبير ؟

[سجينة]

انا مااعرف انتو الأولاد كيف طريقة دراستكم لهذي المادة

وكم مسرحية مقررة عليكم

وهل أسئلتكم مقالية ولا مقالية وموضوعية

لأني أخذت هذي المادة الترم اللي فات وكانت حلوة

كان مقرر علينا 3 مسرحيات

هاملت
الليلة الثانية عشر
العاصفة


بس الاختبار كان عبارة عن اختيار سؤالين فقط لمسرحيتين مختلفة

والسؤالين كلها مقالية ( اكتب مقال لكل سؤال ) وكل مقال عليه 50 درجة تخيل عاد

المهم احنا كنا عارفين طريقة الاسئلة عشان كذا كنا مجهزين حالنا ومجهزين أكثر من مقال لكل مسرحية

ومذاكرينها بقووووة لأننا عارفين اش الحاجات المهمة

طبعاً البلوت سامري عشان تربط الاحداث مزبوط
والثيم والموتيف والسيمبول والكاركتر + s لكل وحدة يعني لكل شي من اللي قلته اكتر من وحدة تجمعهم في مقال


هذي كانت اسئلتنا وماادري كيف اسئلتكم

بس مسرحية هاملت لو مقررة عليكم ترى خطييييييييييييييييييييييرة حمل الفيلم واتفرجه حتفهم كل شي

والليلة الثانية عشر قصتها حلوة وغريبة وبرضو لها فيلم

اما العاصفة خرطي مو حلوة ولها فيلم كمان



ارجو انه اللي سبق واخذ المادة مع الدكتور اللي بيعطيها لك دحين يفيدك اكثر

واذا بدأت تذاكر من دحين بيجي وقت الاختبار وانت ماكل الكتاب من زود الفهم - ان شاء الله



في حفظ المولى