إنفلونزا الخنازير بجامعتنا لاإله إلا الله

[مشمشانا]

صح لن يصبنا الا ما كتبه الله لنا ولكن دا ما يمنع انو ناخذ بالاسباب زي ما وصنا رسولنا الكريم

ولكن كمان شئ طبيعي نخاف منو وننتبه ونبعد عن الامكان اللي هوا فيها انتو مستقلين 2000 حالة

وعلى بالكم هي دي الحالات بس في اكتر وضعف والمرض مش بسيط المرض خطير والموضوع

مو اعلام ولا شئ في البداية كان منتشر في الامركتين وكانو ساكتين وبس اخبار بسيطة عنو

وبعدين انتشر في العالم ودا شئ خطير ولو هوا مو خطير والاعلام و بس اللي مهولوا كان

منظمة الصحة العالمية ما اعلنتو وباء عالمي وحذرت منو لين متى واحنا نهمل وما نتبه

نهاية السنة اللي فاتت في بريطانيا اخويا سارت حالة اشتباه في مدرستوا بس اشتباه

سوا كشف لكل الطلاب وحصروا اللي مشتبهين فيهم و حجروهم عن بقي الطلاب

الين ما تعالجو واعطوا اذن بالغياب للخايف على نفسوا وبعدها باسبوعين اكتشفوا

13 طالب مصاب و اغلقت المدرسة قبل نهاية الدوام الدراسي بثلاث اسابيع بعد

ما تم التاكد من كل الطلاب وحصرو المرض ودا الشئ الصحيح والمرض مو هين

ويسبب الوفاة لسه قبل كم يوم مات منو بنتين شباب و خطير لا نستهين فيه ولازم ننتبه

ونكون اكتر وعي في دي الاشياء لو مو خطير ما كان تركبت في المطارات اجهزة الكشف

وما تكلفو كل دي المبالغ عشان شئ مو خطير وعادي