سيارتي انسرقت اليوم

[مواطن بفيزة طالب]

السلام عليكم ورحمة الله وبركاته

اولا مساء الخير للي عنده مساء وصباح الخير للي عنده صباح

صراحة السنة رمضان من اول يومين تعبت كثير والصدر ضايق مررررة بالحيل

أول يوم أمس مبسوط وشغال تهاني للناس بالشهر الكريم وبالنهار مبسوط أكثر بالصيام وأخر شي يجي وقت الإفطار وتخرب شركة الكهرباء كل يومي ويطفئ الكهرباء مع أذان المغرب وبدل ماافطر مع العائلة مرتاح افطرنا على سراج = على وزن ابو سراج والله و يستمر طافي حوالي ساعة ونصف قلنا لاحول ولا قوة إلا بالله العلي العظيم وصبرنا .

اليوم ثاني يوم من الساعة 11 الصباح اشتغل النكد ويطفئ الكهرباء نصف ساعة وبعدها يشتغل نصف ساعة إلى وقت الإفطار ولدي يصرخ يقول ميت حر وأقوله لا تصرخ بوجهي احترم نفسك قالولك مدير الشركة يوم تصارخ وبعدين يقول سيدنا عمر بن الخطاب ( اخشوشنوا فإن النعم لا تدوم ) واطلع للمسجد بصلي المغرب واحصل سيارتي مسروقة وهذي ثاني مرة تسرق السنة هذي قلت سرقة وبرمضان اللهم أحفظنا

واطلع ابلغ الشرطة وبعد تسجيل البلاغ قال العسكري رتبته رقيب أو وكيل رقيب مااعلم بالتأكيد مسروقة من الشباب عشان التفحيط لكن أنصحك اطلع لمواقع التفحيط ودور عليها هناك إذا حصلتها دق علينا وخبرنا واحنا نجي للموقع مباشرة قلت لا شيخ تستهبل أنت وربي لو اخوي مو معي كان صار فيها كلام ثاني .

المهم ادعوا معي ان ربي يرجعها لي بالسلامة ويكفيها شر الارصفة واعمدة الكهرباء وترجعلي بالسلامة والله فقدتها اليوم حسبي الله عليهم ونعم الوكيل .

بطلع الحين أدور عليها معاكم المايك