هنا اللقاء مع ضيف هذا الاسبوع / مهندس دافور

[م.دافووور]

المشاركة الأصلية كتبت بواسطة northstar تصرف سليم احسن من الي يتفلسف ويروح فيها المصاب الحاله الاولى: اذا رايت شخص شرب ماده كيميائيه اعطيه حليب مع بيض فورا<< بعدين في موضوع تاني اقلكم ليه الحاله الثانيه: لانك اذا لم تعرف حالة الماصب اذا كان هبوط ولا ارتفاع في السكر او الضغط في كلا الحالات ارفع رجله فوق<< كمان بعدين اقلكم ليه ....

ومنكم نستفيد ... بس برضوا حأتصل على 997 الين تقولي لنا ليه في الموضوع التاني

المشاركة الأصلية كتبت بواسطة northstar 1-ماهي اول جائزه نلتها كتقدير على ابداعك منذ طفولتك؟؟

والله يانورث ذكرتيني بسؤالك قصة - جائزة بسيطة في الصغر- اعتبرها هي البداية اللي شجعتني اني
اطور نفسي ...

طبعا مختصر القصة إني كنت مع الوالد الله يحفظه في جلسة مع أصحابة .. طبعا كعادة الجلسات
نقاشات وو .. الخ

"طبعا بحكم صغر سني اسمع وبس " المهم في وسط فورة النقاش جا موضوع الفقير والمسكين
والفرق بينهم وو ..
فوقتها نطيت " وكل الانظار كانت عليا ايش يبغى الورع " وجلست اتفلسف وعرفت الفقير انو لا
يملك قوت يومه والمسكين عنده بس ما يكفيه وبعدين استشهدت بقوله تعالى : (( اما السفينة فكانت
لمساكين يعملون في البحر ((سورة الكهف
- طبعا الكلام مو من راسي كنت قبلها بفترة ياسمعته او قرأته ماني متذكر – المهم وقتها على طول
قام واحد من اللي جالسين سلم عليا واعطاني هدية بسيطة من عنده في السيارة.
انا اللي استفدته من هذا الموقف اني عرفت ان الناس تقدر اللي يكون فاهم ومن وقتها وصرت احب
اقرى كثيير

*ملاحظة بسيطة بالنسبة لموضوع الفرق بين المسكين والفقير الشافعية يدعمون الفكرة اللي فوق اما الاحناف فيرون العكس ان المسكين اسوأ حالا من الفقير .

المشاركة الأصلية كتبت بواسطة northstar 2-من الذي يدعمك ويشجعك حيث جعل منك شابا ناجحا؟

اكيد اهلي الله يحفظهم هم وراء أي نجاح لي ..

المشاركة الأصلية كتبت بواسطة northstar 3-من الذي تتمنى لقائه من اشهر شخصيات العالم الاحياء<< لاتجيبلي واحد ميت؟؟

العبقري والمبدع والعظيم
Richard Meier
وان شاء الله خلال الفترة القادمة – مرحلة ما بعد التخرج - سأتتلمذ على يده

المشاركة الأصلية كتبت بواسطة northstar ولي عوده ان شاء الله

نورث اسعدني تواجدك
وبانتظار عودتك ..