واخيرًا.. مكرونة البتزا d:

[R-Kh]

السلام عليكم
...
بعد جهد جهيد
وعناااااااء في فك طلاسم اعول(أكثر عوالة) عويلة في الدنيا الانسة سكاكينو

المشاركة الأصلية كتبت بواسطة ساكنه في بيتنا السلام عليكم و رحمه الله و بركاته انصياعا لطلب الأخت ام سعد >> لحد يسأل مين هيا راح اكتب مقادير البيتزا الكدابه كما يسميها البعض و بيتزا المكرونه كمان اسميها انا .. المقادير كلها على بعضها حسب الصينيه و النظر .. مكرونه يفضل الاسباغتي >> يا شين التُفلسف دجاجه مسلوقه بصل كركم \ ملح \ ماجي \ فلفل اسود \ كمون قشطه جبنه كرفت السايه مايونيز صلصه اليتزا جبنه ما زوريلا للتزيين : بهارات البيتزا او سكتفى بقليل من الزعتر طيب كيف نعملها >> الطريقة نحط المكرونه في صينيه بايركس بعد ما سلقناها طبعا و بعدين على النار نحط البصل لين يذبل >> اظن كدا يقولوا بعدين نحط الدجاج و باقي البهارات و نقبلهم شويتين و بعدين نحطهم على المكرونه في زبديه نكون خلطنا القشطه و المايونيز و الجبنه يعني يمكن حق ملعقه من دا و ملعقه من دا و علبتين قشطه >> بس برضو يرجع للطعم و حجم الصينيه >> اطعم شي لما تكون مو كتير مره بس على الاقل تنزل من الجوانب و بعدين نوزعهم فوق الدجاج و بعدين نحط فوق دي الخلطه صلصله البيتزا و لا نكتر منها بس يا دوبك لون و بعدين نرش فوقها الجبنه المازوريلا و نزينها زي ما بدنا ولو ما بدنا نحطها في الفرن لين تحمر وبسسسسسسسسسسسسسسسسسسس بالهناء و العافيه >> لو كنتو فهمتو شي .. ودي صوره لها بجميع الزوايا

وبعد مافهمت الطلاسم حقتها
قررت اجرب واشوف الطبخة العجيبة
وطبعًا طلعت حقتي اطعم الف مرة من حقتك سكونة , اشبي دقت حقتها بس برضو اطعم
وكمان حقتي شكلها احلى
المهم
حبيت اقول لـ (ساكنة في بيتنا) تسلمي يختي
والله طلعت طعمة , ويجي منك يا بنتي
( ترى كلام مجاملات لا تشوفي نفسك علينا )
...
احكموا بين حقتي وحقت سكاكينو
دي حقتها http://www.skaau.com/vb/showthread.php?t=98141
وحقتي في المرفقات
...
وتسلم يدي
..