أنا أعرف إني في السعودية [ ... ]

[YaSSeR 001]

السلام عليكم ورحمة الله وبركاته

قبل ما أبداء أحب أقولكم إن الموضوع منقوووووووووووووووووووووووووووول

[ كيف تعرف إنك في السعودية ؟!! ]

[1]تقدر بأي وقت تدخل المسجد وتصلي ما أحد يقول لك شيء ..!!

[2]تسمع الأذان في اليوم خمس مرات دون أي معاناة ..

[3]لمّا يؤذَّن للصلاة كل المحلات تقفل اللي فيه راس حرش يخلي محله مفتوح ..

[4]في كل حي تلقى مسجد أو جامع وما فيه داعي تدوّر مساجد ..

[5]
لمّا تدخل حرمة في بنك أو دائرة حكومية كل الرجال يفتحون لها الطريق ويخلونها تنقز السرا ..

[6]ما فيه حريم يسوقون سيارات يفرفون رايحين جايين ..

[7]لمّا تشوف الواحد مسوّي معصيه ثم بمجرد ما تبتسم له يتركها حياءاً ..

[8]لما يصير فيه جمع تبرعات للمسلمين تشوف الأرصدة تطق الملايين ..!!

[9]في موسم الحج لازم كل بيت يفقد أحد أركانه لأنه رايح يحج ويتقرّب من ربه ..

[10]الجرايد ما غير تشرشح برجال الهيئة ومع ذلك تشوف الشعب يحبهم ويعرف قدرهم ..

[11]
لمّا تدور في الشوارع ما تلقى لا خمارات ولا دور سينما ولا مراقص ..

[12]تشوف البيوت عامرة والعوائل مجتمعة وما فيه تفكك أسري ..

[13]تشوف دش المجد قاعد على سطوح البيوت رغم إن أهلها عندهم دش غيره !!

[14]في أكثر الأمكنة الناس مرتاحين فالرجال لحال والحريم لحال ..

.
.

وغير كذا ..
لمّا تقلب وجهك يمين ويسار تشوف الطيبة والسماحة في عيون الناس ،
الكبير محترم وكلن يحب راسه والصغير محبوب كلن يعطيه حلاو ،
ونفس هالوجيه هذي إذا جد الجد صارت مثل خطاب وأسامة وأبو الوليد !!

مجتمعنا طيب ..
مجتمعنا متدين .. راقي !!
صحيح إنه مهب متكامل وفيه أخطاء ..
لكن لا تقتلونه بسخريتكم فيه ..

خلونا نعيش بأرضنا مبسوطين ..
بدل ما نحرقها بكلام تافه !!

.
.