أكبر خطر يهدد الشعب السعودي.. ولا حياة لمن تنادي !!

[Bordoga]

مو معقول!

أكبر خطر يهدد الشعب السعودي ..!!


سلب أرواح الكثير


والكثير الكثير


والشيء المضحك المبكي.. ما في شيء لردع هذا الخطر حتى الآن


دائما نسمع فلان مات وعلان مات بسببه

الحوادث !

يومياً نقرا في الجرايد حوادث و وفيات

وإلى يومك مستمرة !

دنيا مجنونة !

المشكلة بعض الشباب ما يتعظوا مرة

وتلاقي خويه توفى بسبب السرعة

ثاني يوم يسرع



طيب..

ليش ما تضعوا حد لهذا الخطر اللي سلب أرواح الكثير؟؟

والله شيء مبكي

أنا ماني مستوعب من جد.. إلى الآن ما وصلوا لحل!

آآآه إيش أقول بس

السائق

انت ياللي تتجاوز السرعة المسموحة

يا بطل انت يا رجال

انت تبغى تسرع و تتجاوز القانون

مع نفسك انت!

لكن فكر بغيرك

انت بكذا راح تكون سبب في وفاة اللي راكبين معاك والسيارات الثانية

راح يكونوا كلهم في رقبتك

و ح يحاسبك ربنا

المرور

تذكروا اننا في رقبتكم

وربنا ح يحاسبكم

انتو تعبتوا واجتهدتوا

طيب شفتوا انو العقوبات ما نفعت

حطوا عقوبات صارمة

خلوا اللي يتجاوز الـ 120 يسجن شهر !

لو سويتوا قرار زي كذا بدون التجاوز عن فلان وفلتان , ح نوصل للهدف المنشود.

والله ما ينفع إلا كذا!

انتوا ياأغنى أغنياء العالم

اشتروا كاميرات و رادارات في كل شارع من شوارع المملكة وخصوصا السريعة واشتغلوا عليها

سووا أندية للسيارات بدال المولات اللي ذبحتونا فيها

خلوا عندنا رياضة نفلح فيها

والله الشباب السعودي عندو موهبة السواقة

المشكلة يكتبوا لا تسرع.. فالسرعة خطر ومدري كيف

ومافي بديــل !!

المشايخ

ما شاء الله عليكم

الله يجزاكم خير

دائما تبغوا لنا الخير و تأمرون بالمعروف وتنهون عن المنكر

ليييييييييش ما تنصحون الشعب وتسوو هليلة

بدال ما تتعبوا نفسكم و تشوفوا المكدشين وتطردوهم من المساجد

وعلى أمور ما أبغى أقول تافهة

مهمة ولكن فيه الأهم

فهذه فيها حياة وموت

مو كدش وما كدش!

ولا عمري سمعت خطبة جمعة عن السرعة والأشياء ذي !

عجبي

ولا كأنو الناس تموت دايما بسبب الحوداث

أقسم بالله عمتي و ولدها و بنت خالتي و آخرهم أخوية وأصحابه كلهم ماتوا بسبب الحوادث.. الله المستعان

وأنا عارف إن كل واحد فيكم عندوا واحد يعرفوا توفى بحادث..

الإعلام

ليش ما توجهوا اهتمامكم للـ.............أوووف خلاص ما أقدر أكمل

كأنه بساس جالسة تموت.. مو آوادم !