أسأله عن المحاسبه ....ياليت تفيدوني

[بنت من الجامعه]

السلام عليكم

يابنات المحاسبه واولادها
عندي بعد الأسئله حابة أسألها عن القسم ممكن تفيدوني ؟؟
أولا : سمعت انو بنات المحاسبه ياخدو مكافئه اعلى من التخصصات التانيه يعني 900
ايشمعنا ؟؟ يعني ايش شي مميز في المحاسبه عشان يعطوهم مكافئه اعلى
تانيا ::
مين أتخرجت كده ولقت لها وظيفه بسرعه زي الحلوين
يعني ماجلست سنه عاطله في البيت :(
وفين اتوظفت ؟؟ وكم اخدت راتب >>>لقاافه
يعني انا حابه اخد فكرة عن الوظايف مستقبلا
ايش وفين وكم ............ الخ
ياليت تفيدوني يا حلوين

وكمان يقولو المحاسبه حلوة بس فيها مادتين صعبببه مرررررة
ايش هما ؟؟
وفي مواد تاخدوها باللغه الانجليزيه ؟؟؟؟
وفي محاضرات تكون أكتر من ساعه ؟؟؟ او ساعه ونص في يوم الاحد والتلوت

وياترى سهل تجيبي معدل عالي في المحاسبه ولا تطلع عينك :( (معدل عالى يعني ممتاز

واسفه على أسألتي اللي مالها داع بس حابه اخد فكرة لغرض في نفسي

ياليت تفيدووني ارجووووووووووووكم عشان الحق اختار قبل لا يقفلوالتخصصات بكرة :(
يسلموووو